QR saýda jáne integratsiia ministri Arman Shaqqaliev Úkimet otyrysynda ishki naryqty azyq-túlikpen qamtamasyz etý boiynsha júrgizilip jatqan jumystar týraly baiandady, dep habarlaidy ult.kz.
Ol búgingi tańda Qazaqstan kóptegen bazalyq ónimder boiynsha ishki suranysty tolyq qamtamasyz etetinin atap ótti.
«Kúnbaǵys maiy, un, kúrish, kartop, piiaz, sábiz, makaron ónimderi, siyr jáne qoi eti boiynsha 100% qamtylǵan», — dedi Arman Shaqqaliev.
Sondai-aq ol birinshi jartyjyldyqtyń qorytyndysy boiynsha ishki taýar ainalymynyń kólemi 15,3%-ǵa ósip, 36,2 trln teńgege jetkenin habarlady.
Negizgi ósim azyq-túlik segmenti esebinen qamtamasyz etildi. Onyń ósimi shamamen 30%-dy qurady.
Otandyq agroónerkásip óndirýshileriniń syrtqy naryqtaǵy ustanymdary da nyǵaiýda. Qańtar–mamyr ailarynyń qorytyndysy boiynsha azyq-túlik eksporty 34,4%-ǵa ósip, $1,6 mlrd-ty qurady.
«Sonymen qatar importqa táýeldilik tómendedi. Onyń úlesi 14,7%-ǵa deiin qysqardy. Búginde Qazaqstan eń qajetti ónimdermen ishki suranysty qamtamasyz etedi», — dedi Arman Shaqqaliev.
Al bes aidyń qorytyndysy boiynsha shikizattyq emes taýarlar eksporty 12%-ǵa ósip, $10 mlrd-tan asty.
Qazaqstannyń ishki naryǵy otandyq óndirýshiler úshin suranystyń basty kózi bolyp qala beretini atap ótildi.
