قر ساۋدا جەنە ينتەگراتسييا مينيسترٸ ارمان شاققاليەۆ ٷكٸمەت وتىرىسىندا ٸشكٸ نارىقتى ازىق-تٷلٸكپەن قامتاماسىز ەتۋ بويىنشا جٷرگٸزٸلٸپ جاتقان جۇمىستار تۋرالى باياندادى, دەپ حابارلايدى ult.kz.
ول بٷگٸنگٸ تاڭدا قازاقستان كٶپتەگەن بازالىق ٶنٸمدەر بويىنشا ٸشكٸ سۇرانىستى تولىق قامتاماسىز ەتەتٸنٸن اتاپ ٶتتٸ.
«كٷنباعىس مايى, ۇن, كٷرٸش, كارتوپ, پيياز, سەبٸز, ماكارون ٶنٸمدەرٸ, سيىر جەنە قوي ەتٸ بويىنشا 100% قامتىلعان», — دەدٸ ارمان شاققاليەۆ.
سونداي-اق ول بٸرٸنشٸ جارتىجىلدىقتىڭ قورىتىندىسى بويىنشا ٸشكٸ تاۋار اينالىمىنىڭ كٶلەمٸ 15,3%-عا ٶسٸپ, 36,2 ترلن تەڭگەگە جەتكەنٸن حابارلادى.
نەگٸزگٸ ٶسٸم ازىق-تٷلٸك سەگمەنتٸ ەسەبٸنەن قامتاماسىز ەتٸلدٸ. ونىڭ ٶسٸمٸ شامامەن 30%-دى قۇرادى.
وتاندىق اگروٶنەركەسٸپ ٶندٸرۋشٸلەرٸنٸڭ سىرتقى نارىقتاعى ۇستانىمدارى دا نىعايۋدا. قاڭتار–مامىر ايلارىنىڭ قورىتىندىسى بويىنشا ازىق-تٷلٸك ەكسپورتى 34,4%-عا ٶسٸپ, $1,6 ملرد-تى قۇرادى.
«سونىمەن قاتار يمپورتقا تەۋەلدٸلٸك تٶمەندەدٸ. ونىڭ ٷلەسٸ 14,7%-عا دەيٸن قىسقاردى. بٷگٸندە قازاقستان ەڭ قاجەتتٸ ٶنٸمدەرمەن ٸشكٸ سۇرانىستى قامتاماسىز ەتەدٸ», — دەدٸ ارمان شاققاليەۆ.
ال بەس ايدىڭ قورىتىندىسى بويىنشا شيكٸزاتتىق ەمەس تاۋارلار ەكسپورتى 12%-عا ٶسٸپ, $10 ملرد-تان استى.
قازاقستاننىڭ ٸشكٸ نارىعى وتاندىق ٶندٸرۋشٸلەر ٷشٸن سۇرانىستىڭ باستى كٶزٸ بولىپ قالا بەرەتٸنٸ اتاپ ٶتٸلدٸ.
