Qazaqstandaǵy kolledjderge 2026 jyly memlekettik tapsyrys aiasynda 133 myń stýdent qabyldaý josparlanyp otyr. Onyń 10 myńnan astamy kásiporyndardyń ótinimi boiynsha bilim alyp, oqý aiaqtalǵannan keiin jumysqa ornalasady, dep habarlaidy ult.kz.
Bul týraly Úkimet otyrysynda Oqý-aǵartý ministri Juldyz Súleimenova málimdedi.
Búginde elimizde 763 kolledj jumys isteidi. Onda 556 myń stýdent bilim alyp jatyr.
Ministrdiń aitýynsha, tehnikalyq jáne kásiptik bilim berý júiesi eńbek naryǵynyń naqty qajettilikterine beiimdelip keledi. Osyǵan bailanysty memlekettik tapsyrystyń basym bóligi tehnikalyq mamandyqtarǵa baǵyttalmaq.
2026 jylǵy memlekettik tapsyrystyń 70 paiyzy tehnikalyq kadrlar daiarlaýǵa bólinedi.
Sonymen qatar kásiporyndardyń suranysy negizinde 10 myńnan astam stýdentti keiin mindetti túrde jumysqa ornalastyrý shartymen oqýǵa qabyldaý josparlanǵan.
«Biyl memlekettik tapsyrys aiasynda kolledjderge 133 myń stýdent qabyldaý josparlanyp otyr. Memlekettik tapsyrystyń 70 paiyzy tehnikalyq salaǵa qajetti mamandardy daiarlaýǵa baǵyttalady. Kásiporyndardyń ótinimi boiynsha keiin mindetti túrde jumysqa ornalastyrý shartymen 10 myńnan astam stýdent qabyldanady», – dedi Juldyz Súleimenova.
Jańa tásildiń negizgi maqsaty – kolledjderde eńbek naryǵyna qajetti mamandardy kóbirek daiarlap, túlekterdiń jumysqa ornalasý múmkindigin arttyrý.
