قازاقستانداعى كوللەدجدەرگە 2026 جىلى مەملەكەتتٸك تاپسىرىس اياسىندا 133 مىڭ ستۋدەنت قابىلداۋ جوسپارلانىپ وتىر. ونىڭ 10 مىڭنان استامى كەسٸپورىنداردىڭ ٶتٸنٸمٸ بويىنشا بٸلٸم الىپ, وقۋ اياقتالعاننان كەيٸن جۇمىسقا ورنالاسادى, دەپ حابارلايدى ult.kz.
بۇل تۋرالى ٷكٸمەت وتىرىسىندا وقۋ-اعارتۋ مينيسترٸ جۇلدىز سٷلەيمەنوۆا مەلٸمدەدٸ.
بٷگٸندە ەلٸمٸزدە 763 كوللەدج جۇمىس ٸستەيدٸ. وندا 556 مىڭ ستۋدەنت بٸلٸم الىپ جاتىر.
مينيستردٸڭ ايتۋىنشا, تەحنيكالىق جەنە كەسٸپتٸك بٸلٸم بەرۋ جٷيەسٸ ەڭبەك نارىعىنىڭ ناقتى قاجەتتٸلٸكتەرٸنە بەيٸمدەلٸپ كەلەدٸ. وسىعان بايلانىستى مەملەكەتتٸك تاپسىرىستىڭ باسىم بٶلٸگٸ تەحنيكالىق ماماندىقتارعا باعىتتالماق.
2026 جىلعى مەملەكەتتٸك تاپسىرىستىڭ 70 پايىزى تەحنيكالىق كادرلار دايارلاۋعا بٶلٸنەدٸ.
سونىمەن قاتار كەسٸپورىنداردىڭ سۇرانىسى نەگٸزٸندە 10 مىڭنان استام ستۋدەنتتٸ كەيٸن مٸندەتتٸ تٷردە جۇمىسقا ورنالاستىرۋ شارتىمەن وقۋعا قابىلداۋ جوسپارلانعان.
«بيىل مەملەكەتتٸك تاپسىرىس اياسىندا كوللەدجدەرگە 133 مىڭ ستۋدەنت قابىلداۋ جوسپارلانىپ وتىر. مەملەكەتتٸك تاپسىرىستىڭ 70 پايىزى تەحنيكالىق سالاعا قاجەتتٸ مامانداردى دايارلاۋعا باعىتتالادى. كەسٸپورىنداردىڭ ٶتٸنٸمٸ بويىنشا كەيٸن مٸندەتتٸ تٷردە جۇمىسقا ورنالاستىرۋ شارتىمەن 10 مىڭنان استام ستۋدەنت قابىلدانادى», – دەدٸ جۇلدىز سٷلەيمەنوۆا.
جاڭا تەسٸلدٸڭ نەگٸزگٸ ماقساتى – كوللەدجدەردە ەڭبەك نارىعىنا قاجەتتٸ مامانداردى كٶبٸرەك دايارلاپ, تٷلەكتەردٸڭ جۇمىسقا ورنالاسۋ مٷمكٸندٸگٸن ارتتىرۋ.
