Jezqazǵan mys balqytý zaýyty – «Qazaqmys» Tobynyń negizgi metallýrgiialyq kásiporyndarynyń biri. 2026 jyly kompaniia kásiporynǵa kúrdeli jóndeý jumysyn júrgizýge, tehnikalyq qaita jaraqtandyrýǵa, óndiristik infraqurylymdy damytýǵa jáne jabdyqtyń senimdiligin arttyrýǵa 25,2 mlrd teńgeden astam investitsiia baǵyttady.
Keshendi jańǵyrtý baǵdarlamasy negizgi óndiristik tsehtardy, energetikalyq sharýashylyqty, infraqurylym nysandary men áleýmettik-turmystyq ǵimarattardy qamtidy. Baǵdarlamanyń basty maqsaty – zaýyttyń turaqty jumysyn qamtamasyz etý, ónerkásiptik qaýipsizdik deńgeiin arttyrý, tehnologiialyq úderistiń tiimdiligin jáne óndiristiń ekologiialyq kórsetkishterin jaqsartý.
Investitsiianyń negizgi bóligi – 15,9 mlrd teńgesi – negizgi metallýrgiialyq jabdyqtardy kúrdeli jóndeýge baǵyttaldy. Balqytý tsehynda №2 ken-termiialyq peshke, №1–3 anod peshterine jáne konverter blogyna (№1–4 konverterlerge) kúrdeli jóndeý jumysy júrgizilýde. Bul jobalar tehnologiialyq úderistiń senimdiligin arttyryp, jabdyqtardyń qyzmet etý merzimin uzartýǵa múmkindik beredi.
Taǵy 3,6 mlrd teńge tehnologiialyq jabdyqtardy jańartýǵa baǵyttaldy. Mys elektrolizi tsehynda 234 polimerbeton vannasy ornatylyp, TNDP-10000/10 kúshtik transformatory aýystyrylyp jatyr, sondai-aq №39 jańa kópirli kran montajdalýda. Balqytý tsehynda №1 ainalmaly quiý mashinasyn, al jylý-energiiamen jabdyqtaý tsehynda N-900 týrboaidaǵyshyn aýystyrý kózdelgen.
Óndiristik infraqurylymdy damytýǵa erekshe kóńil bólinýde. Bul maqsatqa 4,4 mlrd teńge qarjy baǵyttaldy. Baǵdarlama aiasynda №1 gradirniaǵa kúrdeli jóndeý júrgizilip, mys elektrolizi tsehynyń shatyr jabyny aýystyrylýda, sondai-aq konverter bólimshesiniń shatyry qalpyna keltirilýde. Sonymen qatar balqytý tsehynyń ákimshilik-turmystyq keshenindegi jýynatyn bólmelerde júrgizilip jatqan kúrdeli jóndeý jumysy aiaqtalýǵa jaqyn qaldy. Bul jumyskerlerdiń turmystyq jaǵdaiyn jaqsartýǵa múmkindik beredi.
Jyl sońyna deiin kompaniia shihta daiyndaý tsehynyń jabdyǵyn kúrdeli jóndeýge jáne kran jabdyǵyna qaýipsiz qyzmet kórsetýge arnalǵan mamandandyrylǵan alań qurýǵa qosymsha 1,4 mlrd teńge baǵyttaidy.
Jezqazǵan mys balqytý zaýytyn keshendi jańǵyrtý kompaniianyń metallýrgiialyq kásiporyndaryn damytýǵa baǵyttalǵan Qazaqmystyń uzaq merzimdi investitsiialyq baǵdarlamasynyń bir bóligi bolyp tabylady. Júzege asyrylyp jatqan jobalar óndiristik úderistiń senimdiligin arttyryp, jabdyqtyń jumys isteý tiimdiligin kóterýge, óndiristiń ekologiialyq turaqtylyǵyn qamtamasyz etýge, sondai-aq jumyskerler úshin qaýipsiz ári qolaily eńbek jaǵdaiyn qalyptastyrýǵa yqpal etedi.
«Qazaqmys» Jezqazǵan mys balqytý zaýytyn jańǵyrtýǵa 25,2 mlrd teńgeden astam investitsiia baǵyttady
