Qazaqstan Respýblikasy Mádeniet jáne aqparat ministrliginiń qoldaýymen 2026 jyldyń 27 maýsymynda Roza Baǵlanova atyndaǵy «Qazaqkontsert» memlekettik akademiialyq kontserttik uiymynda 65-kontserttik maýsymnyń jabylýyna arnalǵan aýqymdy «FOLK SHOW» Gala-kontserti ótedi, dep habarlaidy ult.kz.
«FOLK SHOW» – ulttyq mýzykalyq murany zamanaýi formatta dáripteýge baǵyttalǵan biregei kontserttik joba. Jobanyń avtory ári dirijeri – respýblikalyq jáne halyqaralyq baiqaýlardyń laýreaty, Mádeniet salasynyń úzdigi, zamanaýi mýzyka óneriniń jarqyn ókili Ádilet Azbaev.
Gala-kontsertte – «Astana sazy» Qazaq memlekettik folklorlyq ansambli, Qazaq memlekettik simfoniialyq orkestri jáne G band-tyń oryndaýyndaǵy álemdik hitterdi, tanymal kino jáne telejobalardyń saýndtrekterin, sondai-aq qazaq mýzykasynyń keńinen tanylǵan týyndylaryn qamtidy.
Mýzykalyq keshte «Gúlder» bi ansambli, «Birlik» bi ansambli, «Astana Musical» memlekettik teatrynyń shyǵarmashylyq ujymy, Erbol Tájibaev, Aizada Kemel, Oljas Qurmanbek, Didar, Janna, Núrken Iakiiaev, Samǵar Tolqynhanuly jáne ózge de Qazaqkontserttiń belgili ártisteri óner kórsetedi.
Baǵdarlamaǵa «Qazaq Symphony», «Shal», «KZ Hits», «Detstvo», Batyrhan Shúkenov shyǵarmalaryna arnalǵan mýzykalyq kompozitsiialar, «Qazaqsha trend» toptamasy jáne Qurmanǵazynyń «Adai» kúii syndy qazaq mýyzkasynyń altyn qorynan týyndylar jáne «La La Land», «Avatar», «Titanic», «Game Evolution», «Game of Thrones», «Va-bank» jáne «Bollywood Medley» siiaqty álemdik hitter men kinoindýstriianyń úzdik saýndtrekteri engizilgen. Kórermen túrli baǵyttaǵy shyǵarmalardy tyńdap qana qoimai, horeografiialyq qoiylymdardy tamashalai alady.
Kontserttiń basty maqsaty – ulttyq mýzykalyq ónerdi keńinen nasihattaý, halyq aspaptarynyń shyǵarmashylyq áleýetin kórsetý jáne dástúrli ónerdi qazirgi zamanǵy mýzykalyq úrdistermen sabaqtastyra otyryp kórermenge usyný.
