Chocofamily Holding negizin qalaýshy ári teń iesi Ramil Mýhoriapov FlyArystan direktorlar keńesindegi táýelsiz direktor qyzmetin taǵy úsh jyl atqarady, dep habarlaidy ult.kz.
FlyArystan-nyń jalǵyz aktsioneri – Air Astana onyń ókilettigin 2026 jylǵy 11 qazannan 2029 jylǵy 10 qazanǵa deiin uzartty. Mýhoriapov bul qyzmetke alǵash ret 2023 jylǵy qyrkúiekte sailanǵan.
Direktorlar keńesine sondai-aq Air Astana bas direktory Ibrahim Janlyel men FlyArystan prezidenti Iohan Eidhagen kirdi. Janlyel keńes tóraǵasy bolyp sailandy.
Aktsioner FlyArystan-ǵa qatysty basqa da sheshimder qabyldady. Kompaniia Air Astana paidasyna jalpy quny 8 mlrd teńge bolatyn 2 mln jai aktsiia ornalastyrady. Sonymen qatar FlyArystan operatsiialyq lizingke Airbus A320neo ushaǵyn alady. Ushaqty 2026 jylǵy qarashada jetkizý josparlanǵan.
Eske salaiyq, Mýhoriapov 2022 jyly qazaq tiline qatysty pikirimen qoǵam nazaryn aýdarǵan. Reseiden qonys aýdarǵandarmen kezdesýde ol qazaq tilin túsinetin adamǵa qazaqsha jaýap berýdi «birtúrli» dep atap, muny ultshyldyqtyń belgisi retinde sipattaǵan. Bul sózi áleýmettik jelide qyzý talqylanǵan edi.
