Memleket basshysy Qasym-Jomart Toqaev qazaqstandyqtardy Qurban ait merekesimen quttyqtady, dep habarlaidy ult.kz.
Prezident óz quttyqtaýynda Qurban aittyń halqymyzdyń rýhani ómirindegi orny erekshe ekenin atap ótti.
«Osy kieli merekede rýhani kemeldenýge jol ashatyn meiirimdilik pen qaiyrymdylyq, ózara qurmet pen senim, janashyrlyq pen tileýlestik qasietteri keńinen dáripteledi», – dedi Qasym-Jomart Toqaev.
Memleket basshysy Qurban ait kúnderi adamdardyń bir-birine qoldaý kórsetip, úlkenge qurmet, kishige izet tanytýynyń mańyzy arta túsetinin aitty.
Sondai-aq Prezident islam dini men elimizdegi basqa da dástúrli dinderdiń qoǵamdaǵy yntymaq pen rýhani damýǵa negiz bolyp otyrǵanyn atap ótti.
Qasym-Jomart Toqaev el táýelsizdigi men birliginiń mańyzdylyǵyna da toqtaldy.
«El ishindegi turaqtylyq pen tynyshtyqty kózdiń qarashyǵyndai saqtaý – árbir otanshyl azamattyń perzenttik paryzy», – dedi Prezident.
Memleket basshysy halyqtyń birligi men jasampaz rýhynyń arqasynda Qazaqstan aldaǵy ýaqytta da biik belesterdi baǵyndyra beretinine senim bildirdi.
Sóz sońynda Prezident barsha qazaqstandyqtarǵa zor densaýlyq, baq-bereke tilep, Qurban aittyń qabyl bolýyn tiledi.
