مەملەكەت باسشىسى قاسىم-جومارت توقاەۆ قازاقستاندىقتاردى قۇربان ايت مەرەكەسٸمەن قۇتتىقتادى, دەپ حابارلايدى ult.kz.
پرەزيدەنت ٶز قۇتتىقتاۋىندا قۇربان ايتتىڭ حالقىمىزدىڭ رۋحاني ٶمٸرٸندەگٸ ورنى ەرەكشە ەكەنٸن اتاپ ٶتتٸ.
«وسى كيەلٸ مەرەكەدە رۋحاني كەمەلدەنۋگە جول اشاتىن مەيٸرٸمدٸلٸك پەن قايىرىمدىلىق, ٶزارا قۇرمەت پەن سەنٸم, جاناشىرلىق پەن تٸلەۋلەستٸك قاسيەتتەرٸ كەڭٸنەن دەرٸپتەلەدٸ», – دەدٸ قاسىم-جومارت توقاەۆ.
مەملەكەت باسشىسى قۇربان ايت كٷندەرٸ ادامداردىڭ بٸر-بٸرٸنە قولداۋ كٶرسەتٸپ, ٷلكەنگە قۇرمەت, كٸشٸگە ٸزەت تانىتۋىنىڭ ماڭىزى ارتا تٷسەتٸنٸن ايتتى.
سونداي-اق پرەزيدەنت يسلام دٸنٸ مەن ەلٸمٸزدەگٸ باسقا دا دەستٷرلٸ دٸندەردٸڭ قوعامداعى ىنتىماق پەن رۋحاني دامۋعا نەگٸز بولىپ وتىرعانىن اتاپ ٶتتٸ.
قاسىم-جومارت توقاەۆ ەل تەۋەلسٸزدٸگٸ مەن بٸرلٸگٸنٸڭ ماڭىزدىلىعىنا دا توقتالدى.
«ەل ٸشٸندەگٸ تۇراقتىلىق پەن تىنىشتىقتى كٶزدٸڭ قاراشىعىنداي ساقتاۋ – ەربٸر وتانشىل ازاماتتىڭ پەرزەنتتٸك پارىزى», – دەدٸ پرەزيدەنت.
مەملەكەت باسشىسى حالىقتىڭ بٸرلٸگٸ مەن جاسامپاز رۋحىنىڭ ارقاسىندا قازاقستان الداعى ۋاقىتتا دا بيٸك بەلەستەردٸ باعىندىرا بەرەتٸنٸنە سەنٸم بٸلدٸردٸ.
سٶز سوڭىندا پرەزيدەنت بارشا قازاقستاندىقتارعا زور دەنساۋلىق, باق-بەرەكە تٸلەپ, قۇربان ايتتىڭ قابىل بولۋىن تٸلەدٸ.
