Qazaqstannyń kei óńirlerinde qart adamdarǵa merekege bailanysty birjolǵy áleýmettik kómek kórsetiledi. Alaida tólemniń mólsheri men ony alýshylar sanaty ár oblysta ártúrli, dep habarlaidy ult.kz.
Astanada jasyna bailanysty zeinetke shyqqan turǵyndarǵa 2,5 AEK – 10 812 teńge beriledi. Bul kómek 110 myńnan astam adamdy qamtidy.
Qaraǵandy oblysynda 75 jastan asqan 43 405 adamǵa 21 625 teńgeden tólenedi. Oǵan jergilikti biýdjetten 938,6 mln teńge bólingen.
Túrkistan oblysynda jalǵyzilikti qarttarǵa 5 AEK, iaǵni 21 625 teńge kóleminde kómek qarastyrylǵan. Bul tólemdi 1 253 adam alady.
Al Shyǵys Qazaqstan, Jambyl, Qostanai, Atyraý, Jetisý, Qyzylorda jáne Aqtóbe oblystarynda, sondai-aq Almaty, Qostanai jáne Qyzylorda qalalarynda qarttarǵa merekege orai birjolǵy aqshalai tólem qarastyrylmaǵan.
