Soltústik Qazaqstan oblysynyń Blagoveshenka aýylynda 89 jastaǵy áieldiń ólimine qatysty qylmystyq is tergelip jatyr. Onyń denesi 2 qyrkúiekte turǵyn úidiń aýlasynan tabylǵan. Bul týraly oblystyq politsiia departamenti habarlady, dep jazady ult.kz.
Aldyn ala málimet boiynsha, qaiǵyly oqiǵaǵa deiin áiel 66 jastaǵy ulynan sharýashylyq jumystaryna, sonyń ishinde kartop qazýǵa kómektesýin suraǵan.
Keiin zeinetkerdiń denesi er adamnyń úiiniń aýlasynan tabylǵan. Aldyn ala boljam boiynsha, qylmys quraly retinde balta qoldanylýy múmkin.
Politsiia qyzmetkerleri kisi óltirdi degen kúdikpen marqumnyń 66 jastaǵy ulyn ustady. Er adam ýaqytsha ustaý izoliatoryna qamaldy.
Qazirgi ýaqytta oqiǵanyń barlyq mán-jaiy anyqtalyp, tergeý amaldary júrgizilýde.
