Qaraǵandy oblysynda klientterdiń atyna zańsyz nesie rásimdeý arqyly milliondaǵan teńge jymqyrdy degen kúdikpen bank menedjeri ustaldy, dep habarlaidy ult.kz.
Polisia.kz málimetinshe, Saran qalasynyń politsiia qyzmetkerleri jedel-izdestirý is-sharalary barysynda bankterdiń birinde menedjer bolyp jumys istegen 23 jastaǵy kúdiktini qolǵa túsirgen.
Tergeý nusqasyna sáikes, kúdikti qyzmettik múmkindigin jáne klientterdiń senimin paidalanyp, olardyń kelisiminsiz suralǵan somadan áldeqaida joǵary kólemde nesie rásimdep otyrǵan. Al klientter ózderine az mólsherde ǵana qaryz berildi dep oilaǵan. Is júzinde olardyń atyna iri kólemdegi nesielik mindetteme rásimdelgeni keiin belgili bolǵan.
Qazirgi ýaqytta politsiiaǵa tórt adam jábirlenýshi retinde júgingen. Aldyn ala esep boiynsha keltirilgen materialdyq shyǵyn 6,9 million teńgeden asady.
Atalǵan faktiler boiynsha Qylmystyq kodekstiń 190-babynyń 2-bóligi ("Alaiaqtyq") boiynsha qylmystyq ister tirkelip, sotqa deiingi tergeý júrgizilip jatyr.
Qazir tergeýshiler oqiǵanyń barlyq mán-jaiyn anyqtaýda. Sonymen qatar kúdiktiniń osyǵan uqsas ózge de alaiaqtyq áreketterge qatysy bar-joǵy tekserilýde.
Politsiia azamattarǵa nesie rásimdeý kezinde barlyq qujatty muqiiat oqyp, kórsetilgen somany jeke tekserýge, sondai-aq uialy telefondy, banktik qosymshalarǵa qoljetimdilikti, SMS-kodtar men jeke derekterdi bógde adamdarǵa bermeýge keńes berdi.
