Qazaqstan Prezidenti Qasym-Jomart Toqaevtyń TMD aiasynda orys tilin nasihattaityn halyqaralyq uiym qurý týraly usynysyn reseilik áriptesi Vladimir Pýtin qoldady, dep habarlaidy Sputnik Qazaqstan.
Sankt-Peterbýrgte TMD elderi basshylarynyń beiresmi sammiti ótip jatyr. Kezdesý Konstantinov saraiynda uiymdastyryldy.
"Sondai-aq, Qasym-Jomart Kemelulynyń TMD aiasynda orys tilin qoldaý jáne nasihattaý boiynsha halyqaralyq uiym qurý týraly bastama kótergenin qoldaitynymdy atap ótkim keledi. Bul úshin prezident Toqaevqa alǵysymyz sheksiz. Meniń oiymsha, bul orys tili memleketaralyq qarym-qatynas tili ekenin eskersek, sonymen qatar, Reseide milliondaǵan TMD azamaty jumys istep, Reseige damý josparlaryn júzege asyrýǵa kómektese otyryp, óz otbasylaryn asyraýǵa qajetti qarajat taýyp otyrǵanyn eskersek, bul barlyǵy úshin mańyzdy", - dedi Pýtin.
Buǵan deiin Pýtinniń baspasóz hatshysy Dmitrii Peskov beiresmi sammitti kelesi aptada Astanada ótetin TMD sammitine daiyndyq retinde mańyzdy shara dep atady.
Peskov, sondai-aq, Sankt-Peterbýrg sammitine qatysatyn memleket basshylary beiresmi kezdesýde Pýtindi týǵan kúnimen quttyqtaýy yqtimal ekenin aitty.
