قازاقستان پرەزيدەنتٸ قاسىم-جومارت توقاەۆتىڭ تمد اياسىندا ورىس تٸلٸن ناسيحاتتايتىن حالىقارالىق ۇيىم قۇرۋ تۋرالى ۇسىنىسىن رەسەيلٸك ەرٸپتەسٸ ۆلاديمير پۋتين قولدادى, دەپ حابارلايدى Sputnik قازاقستان.
سانكت-پەتەربۋرگتە تمد ەلدەرٸ باسشىلارىنىڭ بەيرەسمي سامميتٸ ٶتٸپ جاتىر. كەزدەسۋ كونستانتينوۆ سارايىندا ۇيىمداستىرىلدى.
"سونداي-اق, قاسىم-جومارت كەمەلۇلىنىڭ تمد اياسىندا ورىس تٸلٸن قولداۋ جەنە ناسيحاتتاۋ بويىنشا حالىقارالىق ۇيىم قۇرۋ تۋرالى باستاما كٶتەرگەنٸن قولدايتىنىمدى اتاپ ٶتكٸم كەلەدٸ. بۇل ٷشٸن پرەزيدەنت توقاەۆقا العىسىمىز شەكسٸز. مەنٸڭ ويىمشا, بۇل ورىس تٸلٸ مەملەكەتارالىق قارىم-قاتىناس تٸلٸ ەكەنٸن ەسكەرسەك, سونىمەن قاتار, رەسەيدە ميلليونداعان تمد ازاماتى جۇمىس ٸستەپ, رەسەيگە دامۋ جوسپارلارىن جٷزەگە اسىرۋعا كٶمەكتەسە وتىرىپ, ٶز وتباسىلارىن اسىراۋعا قاجەتتٸ قاراجات تاۋىپ وتىرعانىن ەسكەرسەك, بۇل بارلىعى ٷشٸن ماڭىزدى", - دەدٸ پۋتين.
بۇعان دەيٸن پۋتيننٸڭ باسپاسٶز حاتشىسى دميتريي پەسكوۆ بەيرەسمي سامميتتٸ كەلەسٸ اپتادا استانادا ٶتەتٸن تمد سامميتٸنە دايىندىق رەتٸندە ماڭىزدى شارا دەپ اتادى.
پەسكوۆ, سونداي-اق, سانكت-پەتەربۋرگ سامميتٸنە قاتىساتىن مەملەكەت باسشىلارى بەيرەسمي كەزدەسۋدە پۋتيندٸ تۋعان كٷنٸمەن قۇتتىقتاۋى ىقتيمال ەكەنٸن ايتتى.
