16 qańtarda Resei prezidenti Vladimir Pýtinniń jarlyǵymen Mihail Mishýstin premer-ministri bolyp taǵaiyndaldy. Al keshe, 15 qańtarda ostavkaǵa ketken premer Dmitrii Medvedev Pýtinniń jarlyǵymen Qaýipsizdik keńesi tóraǵasynyń orynbasary bolyp bekitildi. Eki Jarlyq ta kúshine endi.
16 qańtar túste Resei Memlekettik dýmasy Mishýstinniń kandidatýrasyn maquldaǵan. 383 depýtat qoldasa, 41 depýtat qalys qaldy. Qarsy bolǵandar joq. Dýma tóraǵasy Viacheslav Volodin mundai Resei tarihynda birinshi ret tirkelgenin, buǵan deiin premer kandidatýrasyna qarsy daýys bergender bolǵanyn aitty.
Resei kommýnistik partiiasynan sailanǵan depýtattar qalys qaldy. Qalǵandary qoldaǵan.
Mishýstin depýtattar aldynda sóz sóilep, Pýtinniń joldaýynda bergen ýádelerin oryndaýǵa kómektesetinin aitty.
- 15 qańtarda prezident Vladimir Pýtin Federaldy jiynǵa dástúrli joldaýynda Resei Konstitýtsiiasyn túbegeili ózgertýdi, bilik quzyretin qazir esh kúshi joq parlament pen memlekettik keńestiń paidasyna bólýdi usyndy.
- Memlekettik Dýmaǵa premer-ministr men úkimet múshelerin taǵaiyndaý quqyǵy berildi. Prezidentke eki retten artyq sailanýǵa tyiym salý, Federatsiia keńesine Konstitýtsiialyq jáne Joǵarǵy sot sýdialaryn qyzmetinen shettetýge, kúsh qurylymdary basshylaryn taǵaiyndaýdy baqylaýǵa ruqsat berý usynyldy.
- Bul ózgerister – Resei Konstitýtsiiasy tarihyndaǵy eń radikaldy reforma. Olar búkilhalyqtyq daýys berý kezinde bekitiledi. Interfaks agenttiginiń derek kózi Konstitýtsiiaǵa ózgertýler engizý týraly zań jazdyń sońyna deiin daiyn bolatynyn aitady.
- Joldaýdan keiin premer-ministr Dmitrii Medvedev úkimettiń ostavkaǵa ketkenin jariialady.
