16 قاڭتاردا رەسەي پرەزيدەنتٸ ۆلاديمير پۋتيننٸڭ جارلىعىمەن ميحايل ميشۋستين پرەمەر-مينيسترٸ بولىپ تاعايىندالدى. ال كەشە, 15 قاڭتاردا وستاۆكاعا كەتكەن پرەمەر دميتريي مەدۆەدەۆ پۋتيننٸڭ جارلىعىمەن قاۋٸپسٸزدٸك كەڭەسٸ تٶراعاسىنىڭ ورىنباسارى بولىپ بەكٸتٸلدٸ. ەكٸ جارلىق تا كٷشٸنە ەندٸ.
16 قاڭتار تٷستە رەسەي مەملەكەتتٸك دۋماسى ميشۋستيننٸڭ كانديداتۋراسىن ماقۇلداعان. 383 دەپۋتات قولداسا, 41 دەپۋتات قالىس قالدى. قارسى بولعاندار جوق. دۋما تٶراعاسى ۆياچەسلاۆ ۆولودين مۇنداي رەسەي تاريحىندا بٸرٸنشٸ رەت تٸركەلگەنٸن, بۇعان دەيٸن پرەمەر كانديداتۋراسىنا قارسى داۋىس بەرگەندەر بولعانىن ايتتى.
رەسەي كوممۋنيستٸك پارتيياسىنان سايلانعان دەپۋتاتتار قالىس قالدى. قالعاندارى قولداعان.
ميشۋستين دەپۋتاتتار الدىندا سٶز سٶيلەپ, پۋتيننٸڭ جولداۋىندا بەرگەن ۋەدەلەرٸن ورىنداۋعا كٶمەكتەسەتٸنٸن ايتتى.
- 15 قاڭتاردا پرەزيدەنت ۆلاديمير پۋتين فەدەرالدى جيىنعا دەستٷرلٸ جولداۋىندا رەسەي كونستيتۋتسيياسىن تٷبەگەيلٸ ٶزگەرتۋدٸ, بيلٸك قۇزىرەتٸن قازٸر ەش كٷشٸ جوق پارلامەنت پەن مەملەكەتتٸك كەڭەستٸڭ پايداسىنا بٶلۋدٸ ۇسىندى.
- مەملەكەتتٸك دۋماعا پرەمەر-مينيستر مەن ٷكٸمەت مٷشەلەرٸن تاعايىنداۋ قۇقىعى بەرٸلدٸ. پرەزيدەنتكە ەكٸ رەتتەن ارتىق سايلانۋعا تىيىم سالۋ, فەدەراتسييا كەڭەسٸنە كونستيتۋتسييالىق جەنە جوعارعى سوت سۋديالارىن قىزمەتٸنەن شەتتەتۋگە, كٷش قۇرىلىمدارى باسشىلارىن تاعايىنداۋدى باقىلاۋعا رۇقسات بەرۋ ۇسىنىلدى.
- بۇل ٶزگەرٸستەر – رەسەي كونستيتۋتسيياسى تاريحىنداعى ەڭ راديكالدى رەفورما. ولار بٷكٸلحالىقتىق داۋىس بەرۋ كەزٸندە بەكٸتٸلەدٸ. ينتەرفاكس اگەنتتٸگٸنٸڭ دەرەك كٶزٸ كونستيتۋتسيياعا ٶزگەرتۋلەر ەنگٸزۋ تۋرالى زاڭ جازدىڭ سوڭىنا دەيٸن دايىن بولاتىنىن ايتادى.
- جولداۋدان كەيٸن پرەمەر-مينيستر دميتريي مەدۆەدەۆ ٷكٸمەتتٸڭ وستاۆكاعا كەتكەنٸن جارييالادى.
