Prezident Vladimir Pýtin Ýkraina biligi terroristik áreketterin toqtatpasa, Resei taraby qatań jaýap beretinin málimdedi. Ol bul týraly Qaýipsizdik keńesiniń otyrysynda aitty, - dep habarlaidy Massaget.kz portaly.
Pýtin Qyrym kópirindegi jarylysty Kiev biligi uiymdastyrdy dep aiyptady.
"Sot-meditsinalyq saraptamalar men jedel aqparattyń málimetteri 8 qazandaǵy jarylystyń terroristik áreket ekenin kórsetedi. Terakt Reseidiń azamattyq mańyzy bar infraqurylymyn joiýǵa baǵyttalǵan. Sondai-aq, Ýkrainanyń arnaiy qyzmetteri teraktyny arnaiy uiymdastyrǵany anyq", - dedi Pýtin.
Eske salaiyq, buǵan deiin Qyrym kópirinde bolǵan jarylystyń sebebi men saldaryna sholý jasaǵan edik.
