Qyrǵyzstan prezidenti Sadyr Japarov pen Resei prezidenti Vladimirom Pýtin. Astana, 13 qazan 2022 jyl
Resei prezidenti Vladimir Pýtin Bishkekke Qyrǵyzstan men Tájikstan arasyndaǵy shekara daýyn sheshýge kómektesetin sovet kezinen qalǵan arhiv kartalaryn berýge kelisken.
Azattyqtyń habarlaýynsha, 17 qazanda Qyrǵyzstan qaýipsizdik keńesi tóraǵasynyń hatshysy Marat Imanqulov taiaýda Astanada ótken TMD elderi sammitinde Qyrǵyzstan prezidenti Sadyr Japarov Pýtinnen qyrǵyz-tájik shekarasyn demarkatsiialaý men delimitatsiialaý jóninde kómek suraǵanyn aitty.
"Meniń oiymsha, bul másele sheshiledi, Máskeýden arhiv qujattary men kartalaryn tabýǵa bolady" dedi Imanqulov.
Buǵan deiin Pýtin Resei arhivinde burynǵy sovettik respýblikalardyń shekarasy týraly "senimdi" aqparattar bar ekenin, ondai aqparat burynǵy sovettik respýblikalardyń ózderinde de bolmaýy múmkin ekenin" aitqan.
13 qazanda Astanada Qyrǵyzstan, Tájikstan jáne Resei prezidentteri úshjaqty kezdesý ótkizgen. Qyrǵyzstan prezidentiniń baspasóz hatshysy Erbol Sultanbaev kelissóz buǵan deiin "Qyrǵyzstan men Tájikstan arasyndaǵy shekara daýyn sheshýge daiyn ekenin" málimdegen Pýtinniń bastamasymen ótkenin málimdedi.
Aita keteiik, ótken aida qyrǵyz-tájik shekarasynda taǵy da iri qaqtyǵys bolyp, eki jaq birin-biri aiyptaǵan.
