قىرعىزستان پرەزيدەنتٸ سادىر جاپاروۆ پەن رەسەي پرەزيدەنتٸ ۆلاديميروم پۋتين. استانا, 13 قازان 2022 جىل
رەسەي پرەزيدەنتٸ ۆلاديمير پۋتين بٸشكەككە قىرعىزستان مەن تەجٸكستان اراسىنداعى شەكارا داۋىن شەشۋگە كٶمەكتەسەتٸن سوۆەت كەزٸنەن قالعان ارحيۆ كارتالارىن بەرۋگە كەلٸسكەن.
ازاتتىقتىڭ حابارلاۋىنشا, 17 قازاندا قىرعىزستان قاۋٸپسٸزدٸك كەڭەسٸ تٶراعاسىنىڭ حاتشىسى مارات يمانقۇلوۆ تاياۋدا استانادا ٶتكەن تمد ەلدەرٸ سامميتٸندە قىرعىزستان پرەزيدەنتٸ سادىر جاپاروۆ پۋتيننەن قىرعىز-تەجٸك شەكاراسىن دەماركاتسييالاۋ مەن دەليميتاتسييالاۋ جٶنٸندە كٶمەك سۇراعانىن ايتتى.
"مەنٸڭ ويىمشا, بۇل مەسەلە شەشٸلەدٸ, مەسكەۋدەن ارحيۆ قۇجاتتارى مەن كارتالارىن تابۋعا بولادى" دەدٸ يمانقۇلوۆ.
بۇعان دەيٸن پۋتين رەسەي ارحيۆٸندە بۇرىنعى سوۆەتتٸك رەسپۋبليكالاردىڭ شەكاراسى تۋرالى "سەنٸمدٸ" اقپاراتتار بار ەكەنٸن, ونداي اقپارات بۇرىنعى سوۆەتتٸك رەسپۋبليكالاردىڭ ٶزدەرٸندە دە بولماۋى مٷمكٸن ەكەنٸن" ايتقان.
13 قازاندا استانادا قىرعىزستان, تەجٸكستان جەنە رەسەي پرەزيدەنتتەرٸ ٷشجاقتى كەزدەسۋ ٶتكٸزگەن. قىرعىزستان پرەزيدەنتٸنٸڭ باسپاسٶز حاتشىسى ەربول سۇلتانباەۆ كەلٸسسٶز بۇعان دەيٸن "قىرعىزستان مەن تەجٸكستان اراسىنداعى شەكارا داۋىن شەشۋگە دايىن ەكەنٸن" مەلٸمدەگەن پۋتيننٸڭ باستاماسىمەن ٶتكەنٸن مەلٸمدەدٸ.
ايتا كەتەيٸك, ٶتكەن ايدا قىرعىز-تەجٸك شەكاراسىندا تاعى دا ٸرٸ قاقتىعىس بولىپ, ەكٸ جاق بٸرٸن-بٸرٸ ايىپتاعان.
