Resei Federatsiiasynyń Prezidenti Vladimir Pýtin Qazaqstan Respýblikasynyń Táýelsizdik kúnimen quttyqtady, - dep habarlaidy "Ult aqparat".
Memleket basshysy Qasym-Jomart Toqaevtyń atyna Qazaqstan Respýblikasynyń Táýelsizdik kúnine orai Resei Federatsiiasynyń Prezidenti Vladimir Pýtinniń quttyqtaý jedelhaty kelip tústi.
Vladimir Pýtin óziniń quttyqtaýynda Qazaqstannyń áleýmettik-ekonomikalyq jáne ǵylymi-tehnikalyq damý isinde zor tabysqa qol jetkizgenin, álemdik arenada úlken bedelge ie ekenin, halyqaralyq ózekti problemalardy sheshýde mańyzdy ári konstrýktivti ról atqaratynyn atap ótken.
"Memleketterimiz arasyndaǵy strategiialyq seriktestik pen odaqtastyq qatynastar tabysty damyp kele jatqany qýantady. Biz kúsh biriktire otyryp, barlyq ekijaqty bailanystardy, sondai-aq, Eýraziialyq ekonomikalyq odaq, Ujymdyq qaýipsizdik shart týraly uiym, TMD, Shanhai yntymaqtastyq uiymy, Birikken Ulttar Uiymy jáne basqa da kópjaqty qurylymdar aiasyndaǵy yqpaldastyqty odan ári nyǵaitatynymyzǵa senimdimin. Munyń baýyrlas halyqtarymyzdyń múddelerine jaýap beretini sózsiz. Sondai-aq eýraziialyq keńistiktegi qaýipsizdik pen turaqtylyqty nyǵaitý jolymen kele jatqanymyzdy bildiredi. Ózińizge zor densaýlyq pen tabys, al barlyq dostas Qazaqstan azamattaryna shyn júrekten baq-bereke tileimin", - delingen Resei Prezidentiniń jedelhatynda.
