QR Qarjy ministrliginiń «Problemalyq nesieler qory» AQ-nyń qaryzdardy óndirip alý departamenti direktorynyń mindetin atqarýshy asa iri mólsherdegi múlikti urlady degen kúdikke ilindi, dep habarlaidy "Ult aqparat" Sybailas jemqorlyqqa qarsy is-qimyl agenttigine silteme jasap.
Sybailas jemqorlyqqa qarsy is-qimyl agenttigi jemqorlyq qylmysyn jasady dep kúdikke ilingen QR Qarjy ministrliginiń «Problemalyq nesieler qory» AQ-nyń qaryzdardy óndirip alý departamenti direktorynyń mindetin atqarýshyǵa qatysty sotqa deiingi tergeýdi bastady.
«Ol bir top adammen aldyn ala sóz bailasyp, Aqtóbe oblysynda ornalasqan kepildik elevatordy tólep alý kezinde JShS basshysy men quryltaishysynyń senimin teris paidalaný men aldaý arqyly asa iri mólsherde, iaǵni 20 mln teńgeniń múlkin urlady dep aiyptalyp otyr» delingen habarlamada.
Kúdikti ustalyp, Nur-Sultan qalasy politsiia basqarmasynyń ýaqytsha ustaý izoliatoryna qamaldy. Bultartpaý sharasyn tańdaý máselesi sheshilýde.
Kúdiktiniń kinásine qatysty sheshimdi sot qabyldaidy.
