قر قارجى مينيسترلٸگٸنٸڭ «پروبلەمالىق نەسيەلەر قورى» اق-نىڭ قارىزداردى ٶندٸرٸپ الۋ دەپارتامەنتٸ ديرەكتورىنىڭ مٸندەتٸن اتقارۋشى اسا ٸرٸ مٶلشەردەگٸ مٷلٸكتٸ ۇرلادى دەگەن كٷدٸككە ٸلٸندٸ, دەپ حابارلايدى "ۇلت اقپارات" سىبايلاس جەمقورلىققا قارسى ٸس-قيمىل اگەنتتٸگٸنە سٸلتەمە جاساپ.
سىبايلاس جەمقورلىققا قارسى ٸس-قيمىل اگەنتتٸگٸ جەمقورلىق قىلمىسىن جاسادى دەپ كٷدٸككە ٸلٸنگەن قر قارجى مينيسترلٸگٸنٸڭ «پروبلەمالىق نەسيەلەر قورى» اق-نىڭ قارىزداردى ٶندٸرٸپ الۋ دەپارتامەنتٸ ديرەكتورىنىڭ مٸندەتٸن اتقارۋشىعا قاتىستى سوتقا دەيٸنگٸ تەرگەۋدٸ باستادى.
«ول بٸر توپ اداممەن الدىن الا سٶز بايلاسىپ, اقتٶبە وبلىسىندا ورنالاسقان كەپٸلدٸك ەلەۆاتوردى تٶلەپ الۋ كەزٸندە جشس باسشىسى مەن قۇرىلتايشىسىنىڭ سەنٸمٸن تەرٸس پايدالانۋ مەن الداۋ ارقىلى اسا ٸرٸ مٶلشەردە, ياعني 20 ملن تەڭگەنٸڭ مٷلكٸن ۇرلادى دەپ ايىپتالىپ وتىر» دەلٸنگەن حابارلامادا.
كٷدٸكتٸ ۇستالىپ, نۇر-سۇلتان قالاسى پوليتسييا باسقارماسىنىڭ ۋاقىتشا ۇستاۋ يزولياتورىنا قامالدى. بۇلتارتپاۋ شاراسىن تاڭداۋ مەسەلەسٸ شەشٸلۋدە.
كٷدٸكتٸنٸڭ كٸنەسٸنە قاتىستى شەشٸمدٸ سوت قابىلدايدى.
