Memleket basshysy Qasym-Jomart Toqaevtyń Prezident jastar kadr rezervin qurý bastamasy aiasynda iriktelgen 300 adamnyń jartysy ártúrli laýazymǵa ie boldy. Bul týraly Prezidenttiń keńesshisi Erlan Qarin málim etti, dep habarlaidy "Ult aqparat".
«Prezident Qasym-Jomart Toqaevtyń negizgi bastamalarynyń biri – Prezident jastar kadr rezervin qurý. Atalmysh bastamany Qasym-Jomart Toqaev sailaýaldy baǵdarlamasy aiasynda daryndy jastar úshin tiimdi áleýmettik lift qurý sharalarynyń biri retinde jariialaǵan edi», - dep jazdy Prezidenttiń keńesshisi Telegram paraqshasynda.
Erlan Qarin ótken jyldyń kúz aiynda konkýrs jariialanǵanyn, elimizdiń 13 aimaǵynan 13 myńǵa tarta qazaqstandyq ótinim bergenin eske saldy.
«Irikteý 4 ai júrgizildi. Nátijesinde 300 adam ótti. Osy jyldyń 15 aqpanynda baǵdarlama qatysýshylarymen Prezidenttiń ózi kezdesti. Memleket basshysy rezervtegilermen kezdesý barysynda «Eldegi eń aýqymdy transformatsiialar naqty saladaǵy, qala nemese aýyldaǵy azdaǵan ózgeristerden bastalady. Ielengen pozitsiiasyna qaramastan árkim óz ornynda otyryp, jańǵyrtý protsesine úlesin qosýy kerek» dep atap ótken edi. Sonymen qatar, Prezident bul baǵdarlamanyń basty maqsaty – laýazymǵa jaiǵastyrý emes ekenin, onyń basty maqsaty – jas mamandarǵa óz darynyn, áleýetin kórsetýge múmkindik berý ekenin eskertti. Sol sebepti rezevrke ený faktisiniń ózi – memlekettik laýazymǵa taǵaiyndalý kepildigin bermeidi. Jastar rezervi boiynsha ulttyq komissiia tiisti vakansiia barda jáne úmitkerdiń kásibi quziretin esepke ala otyryp, baǵdarlama qatysýshysyn usyna alady. Qazirgi ýaqytta 150 rezervshi jańa laýazymǵa ie boldy», - deidi ol.
Erlan Qarin ortalyq memlekettik organdarǵa - 83 adam, jergilikti atqarýshy organdarǵa - 38 rezervshi, basqa qurylymdarǵa - 29 adam ornalasqanyn jetkizdi.
«Taiaý arada Prezident jastar kadr rezerviniń qatysýshylarymen jańa oqytýshy baǵdarlamalar iske qosylady», - deidi Erlan Qarin.
