مەملەكەت باسشىسى قاسىم-جومارت توقاەۆتىڭ پرەزيدەنت جاستار كادر رەزەرۆٸن قۇرۋ باستاماسى اياسىندا ٸرٸكتەلگەن 300 ادامنىڭ جارتىسى ەرتٷرلٸ لاۋازىمعا يە بولدى. بۇل تۋرالى پرەزيدەنتتٸڭ كەڭەسشٸسٸ ەرلان قارين مەلٸم ەتتٸ, دەپ حابارلايدى "ۇلت اقپارات".
«پرەزيدەنت قاسىم-جومارت توقاەۆتىڭ نەگٸزگٸ باستامالارىنىڭ بٸرٸ – پرەزيدەنت جاستار كادر رەزەرۆٸن قۇرۋ. اتالمىش باستامانى قاسىم-جومارت توقاەۆ سايلاۋالدى باعدارلاماسى اياسىندا دارىندى جاستار ٷشٸن تيٸمدٸ ەلەۋمەتتٸك ليفت قۇرۋ شارالارىنىڭ بٸرٸ رەتٸندە جارييالاعان ەدٸ», - دەپ جازدى پرەزيدەنتتٸڭ كەڭەسشٸسٸ تەلەگرام پاراقشاسىندا.
ەرلان قارين ٶتكەن جىلدىڭ كٷز ايىندا كونكۋرس جارييالانعانىن, ەلٸمٸزدٸڭ 13 ايماعىنان 13 مىڭعا تارتا قازاقستاندىق ٶتٸنٸم بەرگەنٸن ەسكە سالدى.
«ٸرٸكتەۋ 4 اي جٷرگٸزٸلدٸ. نەتيجەسٸندە 300 ادام ٶتتٸ. وسى جىلدىڭ 15 اقپانىندا باعدارلاما قاتىسۋشىلارىمەن پرەزيدەنتتٸڭ ٶزٸ كەزدەستٸ. مەملەكەت باسشىسى رەزەرۆتەگٸلەرمەن كەزدەسۋ بارىسىندا «ەلدەگٸ ەڭ اۋقىمدى ترانسفورماتسييالار ناقتى سالاداعى, قالا نەمەسە اۋىلداعى ازداعان ٶزگەرٸستەردەن باستالادى. يەلەنگەن پوزيتسيياسىنا قاراماستان ەركٸم ٶز ورنىندا وتىرىپ, جاڭعىرتۋ پروتسەسٸنە ٷلەسٸن قوسۋى كەرەك» دەپ اتاپ ٶتكەن ەدٸ. سونىمەن قاتار, پرەزيدەنت بۇل باعدارلامانىڭ باستى ماقساتى – لاۋازىمعا جايعاستىرۋ ەمەس ەكەنٸن, ونىڭ باستى ماقساتى – جاس ماماندارعا ٶز دارىنىن, ەلەۋەتٸن كٶرسەتۋگە مٷمكٸندٸك بەرۋ ەكەنٸن ەسكەرتتٸ. سول سەبەپتٸ رەزەۆركە ەنۋ فاكتٸسٸنٸڭ ٶزٸ – مەملەكەتتٸك لاۋازىمعا تاعايىندالۋ كەپٸلدٸگٸن بەرمەيدٸ. جاستار رەزەرۆٸ بويىنشا ۇلتتىق كوميسسييا تيٸستٸ ۆاكانسييا باردا جەنە ٷمٸتكەردٸڭ كەسٸبي قۇزٸرەتٸن ەسەپكە الا وتىرىپ, باعدارلاما قاتىسۋشىسىن ۇسىنا الادى. قازٸرگٸ ۋاقىتتا 150 رەزەرۆشٸ جاڭا لاۋازىمعا يە بولدى», - دەيدٸ ول.
ەرلان قارين ورتالىق مەملەكەتتٸك ورگاندارعا - 83 ادام, جەرگٸلٸكتٸ اتقارۋشى ورگاندارعا - 38 رەزەرۆشٸ, باسقا قۇرىلىمدارعا - 29 ادام ورنالاسقانىن جەتكٸزدٸ.
«تاياۋ ارادا پرەزيدەنت جاستار كادر رەزەرۆٸنٸڭ قاتىسۋشىلارىمەن جاڭا وقىتۋشى باعدارلامالار ٸسكە قوسىلادى», - دەيدٸ ەرلان قارين.
