Prezidenttiń 44 tapsyrmasy oryndaldy. Bul týraly Úkimet otyrysynda QR Ulttyq ekonomika ministri Álibek Qýantyrov aitty, dep habarlaidy QazAqparat.
«Eldegi áleýmettik-ekonomikalyq jáne qoǵamdyq saiasi jaǵdaidy turaqtandyrý maqsatynda osy jyldyń qańtar aiynan bastap Memleket basshysy jedel jáne júieli sipattaǵy 140 tapsyrma berdi. Búgingi tańda 44 tapsyrma oryndaldy, 32 tapsyrma aiaqtalý satysynda», - dedi ministr.
Onyń atap ótýinshe, Úkimettiń keńeitilgen otyrysynda Memleket basshysy halyqtyń ál-aýqaty men tabysyn arttyrý, teńsizdikti azaitý jáne jumys oryndaryn ashý, investitsiialar tartý, shaǵyn jáne orta biznesti damytý jóninde naqty mindetter qoidy.
«Osy mindetter aiasynda Ulttyq ekonomika ministrligine 5 tapsyrma bekitildi: halyqtyń tabysyn arttyrý baǵdarlamasyn ázirleý; infliatsiiany baqylaý jáne tómendetý boiynsha sharalar keshenin ázirleý; shaǵyn biznesti qoldaýǵa, qorǵaýǵa jáne damytýǵa baǵyttai otyryp «Atameken» UKP-ny reformalaý; «Qarapaiym zattar ekonomikasy» baǵdarlamasynyń tiimdiligine taldaý júrgizý; mainingke salyqty birneshe ese arttyrý», - dedi Álibek Qýantyrov.
