پرەزيدەنتتٸڭ 44 تاپسىرماسى ورىندالدى. بۇل تۋرالى ٷكٸمەت وتىرىسىندا قر ۇلتتىق ەكونوميكا مينيسترٸ ەلٸبەك قۋانتىروۆ ايتتى, دەپ حابارلايدى قازاقپارات.
«ەلدەگٸ ەلەۋمەتتٸك-ەكونوميكالىق جەنە قوعامدىق ساياسي جاعدايدى تۇراقتاندىرۋ ماقساتىندا وسى جىلدىڭ قاڭتار ايىنان باستاپ مەملەكەت باسشىسى جەدەل جەنە جٷيەلٸ سيپاتتاعى 140 تاپسىرما بەردٸ. بٷگٸنگٸ تاڭدا 44 تاپسىرما ورىندالدى, 32 تاپسىرما اياقتالۋ ساتىسىندا», - دەدٸ مينيستر.
ونىڭ اتاپ ٶتۋٸنشە, ٷكٸمەتتٸڭ كەڭەيتٸلگەن وتىرىسىندا مەملەكەت باسشىسى حالىقتىڭ ەل-اۋقاتى مەن تابىسىن ارتتىرۋ, تەڭسٸزدٸكتٸ ازايتۋ جەنە جۇمىس ورىندارىن اشۋ, ينۆەستيتسييالار تارتۋ, شاعىن جەنە ورتا بيزنەستٸ دامىتۋ جٶنٸندە ناقتى مٸندەتتەر قويدى.
«وسى مٸندەتتەر اياسىندا ۇلتتىق ەكونوميكا مينيسترلٸگٸنە 5 تاپسىرما بەكٸتٸلدٸ: حالىقتىڭ تابىسىن ارتتىرۋ باعدارلاماسىن ەزٸرلەۋ; ينفلياتسييانى باقىلاۋ جەنە تٶمەندەتۋ بويىنشا شارالار كەشەنٸن ەزٸرلەۋ; شاعىن بيزنەستٸ قولداۋعا, قورعاۋعا جەنە دامىتۋعا باعىتتاي وتىرىپ «اتامەكەن» ۇكپ-نى رەفورمالاۋ; «قاراپايىم زاتتار ەكونوميكاسى» باعدارلاماسىنىڭ تيٸمدٸلٸگٸنە تالداۋ جٷرگٸزۋ; ماينينگكە سالىقتى بٸرنەشە ەسە ارتتىرۋ», - دەدٸ ەلٸبەك قۋانتىروۆ.
