Qasym-Jomart Toqaev Syrtqy ister ministrligi men basqa da vedomstvolardyń Ýkrainadaǵy Qazaqstan azamattaryn evakýatsiialaý jónindegi jumysyn jiti qadaǵalap otyr. Bul týraly Prezidenttiń baspasóz hatshysy Berik Ýáli málim etti, dep habarlaidy "Ult aqparat".
«Prezident Qasym-Jomart Toqaev Syrtqy ister ministrligi men basqa da vedomstvolardyń Ýkrainadaǵy Qazaqstan azamattaryn evakýatsiialaý jónindegi jumysyn jiti qadaǵalap otyr. Memleket basshysy bul baǵyttaǵy jumystardy oń baǵalady. Áskeri is-qimyldar bastalǵaly beri 553 otandasymyzǵa kómek kórsetilip, onyń 432-si elimizge aman-esen jetkizildi. Azamattardyń kópshiligi qutqarý sharalary úshin Prezidentke alǵys aityp jatyr. Diplomatiialyq vedomstvonyń Ýkrainadan el azamattaryn evakýatsiialaý jumystary jalǵasýda. Búgin Memleket basshysy Qazaqstan azamattaryn osy elden alyp shyǵýǵa atsalysqan diplomattardy, qurmetti konsýldardy, basqa da vedomstvo qyzmetkerlerin memlekettik nagradalarmen marapattaý úshin Syrtqy ister ministri Muhtar Tileýberdi men Qazaqstannyń Ýkrainadaǵy elshisi Darhan Káletaevqa usynystar ázirleýdi tapsyrdy» dep jazdy ol Telegram paraqshasynda.
