قاسىم-جومارت توقاەۆ سىرتقى ٸستەر مينيسترلٸگٸ مەن باسقا دا ۆەدومستۆولاردىڭ ۋكرايناداعى قازاقستان ازاماتتارىن ەۆاكۋاتسييالاۋ جٶنٸندەگٸ جۇمىسىن جٸتٸ قاداعالاپ وتىر. بۇل تۋرالى پرەزيدەنتتٸڭ باسپاسٶز حاتشىسى بەرٸك ۋەلي مەلٸم ەتتٸ, دەپ حابارلايدى "ۇلت اقپارات".
«پرەزيدەنت قاسىم-جومارت توقاەۆ سىرتقى ٸستەر مينيسترلٸگٸ مەن باسقا دا ۆەدومستۆولاردىڭ ۋكرايناداعى قازاقستان ازاماتتارىن ەۆاكۋاتسييالاۋ جٶنٸندەگٸ جۇمىسىن جٸتٸ قاداعالاپ وتىر. مەملەكەت باسشىسى بۇل باعىتتاعى جۇمىستاردى وڭ باعالادى. ەسكەري ٸس-قيمىلدار باستالعالى بەرٸ 553 وتانداسىمىزعا كٶمەك كٶرسەتٸلٸپ, ونىڭ 432-سٸ ەلٸمٸزگە امان-ەسەن جەتكٸزٸلدٸ. ازاماتتاردىڭ كٶپشٸلٸگٸ قۇتقارۋ شارالارى ٷشٸن پرەزيدەنتكە العىس ايتىپ جاتىر. ديپلوماتييالىق ۆەدومستۆونىڭ ۋكراينادان ەل ازاماتتارىن ەۆاكۋاتسييالاۋ جۇمىستارى جالعاسۋدا. بٷگٸن مەملەكەت باسشىسى قازاقستان ازاماتتارىن وسى ەلدەن الىپ شىعۋعا اتسالىسقان ديپلوماتتاردى, قۇرمەتتٸ كونسۋلداردى, باسقا دا ۆەدومستۆو قىزمەتكەرلەرٸن مەملەكەتتٸك ناگرادالارمەن ماراپاتتاۋ ٷشٸن سىرتقى ٸستەر مينيسترٸ مۇحتار تٸلەۋبەردٸ مەن قازاقستاننىڭ ۋكرايناداعى ەلشٸسٸ دارحان كەلەتاەۆقا ۇسىنىستار ەزٸرلەۋدٸ تاپسىردى» دەپ جازدى ول Telegram پاراقشاسىندا.
