Prezident Qasym-Jomart Toqaev bai ózbekstandyqtardy mysalǵa keltire otyryp, qazaqstandyq oligarhtarmen salystyrdy, - dep habarlaidy Tengrinews.kz tilshisi.
"Lobbister óz ýaqytynda Qazaqstannan ketip, aitarlyqtai kóp aqsha tapqan, sony qazir belgili bir demonstratsiialardy uiymdastyrýǵa, adamdardyń miyn ýlaýǵa jumsap júrgen bizdiń adamdardyń tapsyrysy boiynsha jumys isteidi, olar "neǵurlym nashar bolsa, soǵurlym jaqsy" qaǵidaty boiynsha áreket etedi. Osyǵan bailanysty men Ózbekstannan tys jerde kóp aqsha taýyp, baiyǵan adamdarmen salystyramyn, olar ózderiniń tarihi otanyna kelip, Ózbekstan Prezidentinen "Ózbek halqy úshin ne istei alamyz, qandai kómek kórsete alamyz?" dep aýrýhanalar salady, jeke qarajatyna infraqurylym jasaidy. Bul tusta elde nemese shetelde óz eline shabýyl jasaityn bizdiń oligarhtar men ózbek oligarhtary arasyndaǵy úlken aiyrmashylyq osynda", - dedi Prezident "Habar" telearnasyna bergen suhbatynda.
Aita keteiik, 11 qańtarda Prezident Qasym-Jomart Toqaev Májiliste sóilegen sózinde "Qazaqstan halqyna" qoǵamdyq áleýmettik qoryn qurýdy tapsyrdy.
"Bul - barlyq qazaqstandyqtyń halyqtyq qory. Ol ákimshilik nemese Úkimet janynda jumys istemeidi", - degen edi Memleket basshysy.
28 qańtarda Nur Otan partiiasynyń sezinde Prezident Qasym-Jomart Toqaev "Qazaqstan halqyna" qaiyrymdylyq jasaýǵa asyqpaityn iri biznes ókilderine qatań eskertý jasady.
"Oligopoliianyń quramyna kiretin biznestegi keibir tanymal adamdar Memleket basshysy bastaǵan qaiyrymdylyq aktsiiasyna qatysýǵa asyqpaidy. Bul ashkózdik, ádepsizdik nemese nemquraidylyq pa? Bul suraqqa jaýap alý úshin memlekettiń birqatar ókileti bar", - dedi Prezident.
