پرەزيدەنت قاسىم-جومارت توقاەۆ باي ٶزبەكستاندىقتاردى مىسالعا كەلتٸرە وتىرىپ, قازاقستاندىق وليگارحتارمەن سالىستىردى, - دەپ حابارلايدى Tengrinews.kz تٸلشٸسٸ.
"لوببيستەر ٶز ۋاقىتىندا قازاقستاننان كەتٸپ, ايتارلىقتاي كٶپ اقشا تاپقان, سونى قازٸر بەلگٸلٸ بٸر دەمونستراتسييالاردى ۇيىمداستىرۋعا, ادامداردىڭ ميىن ۋلاۋعا جۇمساپ جٷرگەن بٸزدٸڭ ادامداردىڭ تاپسىرىسى بويىنشا جۇمىس ٸستەيدٸ, ولار "نەعۇرلىم ناشار بولسا, سوعۇرلىم جاقسى" قاعيداتى بويىنشا ەرەكەت ەتەدٸ. وسىعان بايلانىستى مەن ٶزبەكستاننان تىس جەردە كٶپ اقشا تاۋىپ, بايىعان ادامدارمەن سالىستىرامىن, ولار ٶزدەرٸنٸڭ تاريحي وتانىنا كەلٸپ, ٶزبەكستان پرەزيدەنتٸنەن "ٶزبەك حالقى ٷشٸن نە ٸستەي الامىز, قانداي كٶمەك كٶرسەتە الامىز?" دەپ اۋرۋحانالار سالادى, جەكە قاراجاتىنا ينفراقۇرىلىم جاسايدى. بۇل تۇستا ەلدە نەمەسە شەتەلدە ٶز ەلٸنە شابۋىل جاسايتىن بٸزدٸڭ وليگارحتار مەن ٶزبەك وليگارحتارى اراسىنداعى ٷلكەن ايىرماشىلىق وسىندا", - دەدٸ پرەزيدەنت "حابار" تەلەارناسىنا بەرگەن سۇحباتىندا.
ايتا كەتەيٸك, 11 قاڭتاردا پرەزيدەنت قاسىم-جومارت توقاەۆ مەجٸلٸستە سٶيلەگەن سٶزٸندە "قازاقستان حالقىنا" قوعامدىق ەلەۋمەتتٸك قورىن قۇرۋدى تاپسىردى.
"بۇل - بارلىق قازاقستاندىقتىڭ حالىقتىق قورى. ول ەكٸمشٸلٸك نەمەسە ٷكٸمەت جانىندا جۇمىس ٸستەمەيدٸ", - دەگەن ەدٸ مەملەكەت باسشىسى.
28 قاڭتاردا Nur Otan پارتيياسىنىڭ سەزٸندە پرەزيدەنت قاسىم-جومارت توقاەۆ "قازاقستان حالقىنا" قايىرىمدىلىق جاساۋعا اسىقپايتىن ٸرٸ بيزنەس ٶكٸلدەرٸنە قاتاڭ ەسكەرتۋ جاسادى.
"وليگوپولييانىڭ قۇرامىنا كٸرەتٸن بيزنەستەگٸ كەيبٸر تانىمال ادامدار مەملەكەت باسشىسى باستاعان قايىرىمدىلىق اكتسيياسىنا قاتىسۋعا اسىقپايدى. بۇل اشكٶزدٸك, ەدەپسٸزدٸك نەمەسە نەمقۇرايدىلىق پا? بۇل سۇراققا جاۋاپ الۋ ٷشٸن مەملەكەتتٸڭ بٸرقاتار ٶكٸلەتٸ بار", - دەدٸ پرەزيدەنت.
