Memleket basshysy Qasym-Jomart Toqaev Joǵarǵy Sot tóraǵasy Jaqyp Asanovty qabyldady, dep habarlaidy Aqorda.
Kezdesý barysynda jańa sýdialardy irikteý, konkýrs rásimderiniń ashyqtyǵy men kadrlardy ilgeriletý isin obektivti júrgizý máseleleri talqylandy.
Qasym-Jomart Toqaevqa 2019 jyly zańsyz sheshim qabyldaǵan, sot ádebin buzǵan, attestatsiiadan ótpegen 37 sýdianyń teris is-áreketteri úshin jumystan shyǵarylǵany týraly aqparat berildi. Birqatar sottyń tártiptik jáne qylmystyq jaýapkershilikke tartylǵany jaiynda aityldy.
Jaqyp Asanov Qazaqstan Prezidentine sot sheshimderiniń sapasyn arttyrýǵa baǵyttalǵan sharalar jóninde málimet berdi.
Kezdesý qorytyndysy boiynsha Memleket basshysy «100 naqty qadam» Ult jospary men Qazaqstan halqyna arnalǵan Joldaýda aitylǵan mindetterdi oryndaý jumystaryn jalǵastyrýdy tapsyrdy. Prezidenttiń pikirinshe, memlekettik organdar men azamattar arasyndaǵy quqyqtyq daýlardy sheshý mehanizmi retinde ákimshilik ádilet qurylymyn engizý mańyzdy mindet sanalady.
Qasym-Jomart Toqaev sot júiesin reformalaý jumystaryn jalǵastyrý jóninde tapsyrma berdi.
