مەملەكەت باسشىسى قاسىم-جومارت توقاەۆ جوعارعى سوت تٶراعاسى جاقىپ اسانوۆتى قابىلدادى, دەپ حابارلايدى اقوردا.
كەزدەسۋ بارىسىندا جاڭا سۋديالاردى ٸرٸكتەۋ, كونكۋرس رەسٸمدەرٸنٸڭ اشىقتىعى مەن كادرلاردى ٸلگەرٸلەتۋ ٸسٸن وبەكتيۆتٸ جٷرگٸزۋ مەسەلەلەرٸ تالقىلاندى.
قاسىم-جومارت توقاەۆقا 2019 جىلى زاڭسىز شەشٸم قابىلداعان, سوت ەدەبٸن بۇزعان, اتتەستاتسييادان ٶتپەگەن 37 سۋديانىڭ تەرٸس ٸس-ەرەكەتتەرٸ ٷشٸن جۇمىستان شىعارىلعانى تۋرالى اقپارات بەرٸلدٸ. بٸرقاتار سوتتىڭ تەرتٸپتٸك جەنە قىلمىستىق جاۋاپكەرشٸلٸككە تارتىلعانى جايىندا ايتىلدى.
جاقىپ اسانوۆ قازاقستان پرەزيدەنتٸنە سوت شەشٸمدەرٸنٸڭ ساپاسىن ارتتىرۋعا باعىتتالعان شارالار جٶنٸندە مەلٸمەت بەردٸ.
كەزدەسۋ قورىتىندىسى بويىنشا مەملەكەت باسشىسى «100 ناقتى قادام» ۇلت جوسپارى مەن قازاقستان حالقىنا ارنالعان جولداۋدا ايتىلعان مٸندەتتەردٸ ورىنداۋ جۇمىستارىن جالعاستىرۋدى تاپسىردى. پرەزيدەنتتٸڭ پٸكٸرٸنشە, مەملەكەتتٸك ورگاندار مەن ازاماتتار اراسىنداعى قۇقىقتىق داۋلاردى شەشۋ مەحانيزمٸ رەتٸندە ەكٸمشٸلٸك ەدٸلەت قۇرىلىمىن ەنگٸزۋ ماڭىزدى مٸندەت سانالادى.
قاسىم-جومارت توقاەۆ سوت جٷيەسٸن رەفورمالاۋ جۇمىستارىن جالعاستىرۋ جٶنٸندە تاپسىرما بەردٸ.
