Foto: Akorda.kz
Prezident Sheteldik investorlar keńesiniń otyrysyna qatysýshylarmen kezdesti, dep habarlaidy "Ult aqparat" Aqordanyń resmi saityna silteme jasap.
Memleket basshysy Sheteldik investorlar keńesiniń otyrysyna qatysqan halyqaralyq qarjy institýttarynyń jáne iri kompaniialardyń basshylarymen birqatar kezdesý ótkizdi.
Eni S.p.A kompaniiasynyń bas atqarýshy direktory Klaýdio Deskaltsimen kezdesý barysynda kompaniianyń Qazaqstandaǵy qyzmetine qatysty máseleler, sondai-aq Qashaǵan jáne Qarashyǵanaq ken oryndaryndaǵy mańyzdy munai-gaz jobalaryn iske asyrý jospary qarastyryldy.
Memleket basshysyna elimizdiń munai-gaz salasyn odan ári damytý jónindegi konsortsiým jumysynyń negizgi baǵyttary týraly aqparat berildi. Atap aitqanda, Qarashyǵanaqta qýaty 4 milliard tekshe metr bolatyn gaz óńdeý zaýytyn salý perspektivalary talqylandy.
Qasym-Jomart Toqaev Eni S.p.A kompaniiasy Qazaqstannyń energetika salasyndaǵy strategiialyq seriktesteriniń biri ekenine toqtalyp, onyń elimizdiń iri ken oryndaryn igerýge úles qosqanyn atap ótti.
Memleket basshysynyń qatysýymen Qazaqstan Respýblikasy, Mańǵystaý oblysy, Jańaózen qalasynda gibridti elektr stantsiiasyn salý jobasyna qatysty «QazMunaiGaz» ulttyq kompaniiasy» aktsionerlik qoǵamy men Eni S.p.A kompaniiasy arasyndaǵy qaǵidalar týraly kelisimge qol qoiyldy.
Aziia damý bankiniń prezidenti Masatsýgý Asakavamen kezdesýde banktiń Qazaqstandaǵy jobalardy qarjylandyrý máseleleri talqylandy.
Memleket basshysy kelesi jyly Qazaqstan men Aziia damý banki arasyndaǵy yntymaqtastyqtyń 30 jyldyǵy atap ótiletinine toqtalyp, elimizdiń ekonomikalyq damýyna úles qosqany úshin bank basshylyǵyna alǵys aitty.
Óz kezeginde Masatsýgý Asakava Prezidentke qarjy institýtynyń 2023-2027 jyldarǵa arnalǵan Qazaqstanmen seriktestik strategiiasy jóninde málimet berdi.
Sonymen qatar Memleket basshysy Dúnijúzilik banktiń vitse-prezidenti Antonella Bassanimen kezdesý ótkizdi.
Qasym-Jomart Toqaev Antonella Bassanidi Dúnijúzilik banktiń Eýropa jáne Ortalyq Aziia boiynsha vitse-prezidenti laýazymyna taǵaiyndalýymen quttyqtady.
Memleket basshysy Dúniejúzilik bank osy ýaqytqa deiin Qazaqstandaǵy túrli jobalarǵa 8 milliard dollardan astam qarjy bólgenin atap ótip, qarjy institýtynyń elimizben seriktestigi jalǵasyn tabatynyna senim bildirdi.
Prezident elimizde kómirsýtegi beitaraptyǵyna jetý úshin 2035 jylǵa deiin jalpy qýaty 10 GVt «taza» energiia óndirisin iske qosý, sondai-aq Transkaspii kólik baǵdaryn damytý jobalary josparlanyp otyrǵanyn jetkizdi. Budan bólek, Qazaqstan Dúniejúzilik bank tarapynan uzaqmerzimdi investitsiiaǵa múddeli ekenin rastady.
Antonella Bassani Qasym-Jomart Toqaevqa Dúniejúzilik banktiń Qazaqstanda jáne Ortalyq Aziia aimaǵynda júzege asyrylyp jatqan jobalary men aldaǵy josparlary jóninde málimet berdi. Sondai-aq ol jahandyq ekonomikanyń damýyna qatysty óziniń pikirin aitty.
Al Citigroup kompaniiasynyń Eýropa, Taiaý Shyǵys jáne Afrika boiynsha bas atqarýshy direktory Devid Livingstonmen kezdesý barysynda halyqaralyq qarjy institýtynyń elimizdegi qyzmetiniń perspektivalary qarastyryldy.
Prezident elimizdiń qarjy sektoryndaǵy tsifrlyq transformatsiiany damytý isindegi kompaniia basshysynyń kúsh-jigerin joǵary baǵalady.
Devid Livingston Memleket basshysyna byltyr Sitibank Kazakhstan Astana halyqaralyq birjasynyń Qundy qaǵazdar ortalyq depozitariiine (AIX CSD) múshe bolǵanyn jetkizdi. Onyń aitýynsha, bul halyqaralyq institýttyq investorlarǵa óz aktivterin AIX depozitariiinde saqtaýǵa múmkindik beredi.
Polpharma SA kompaniiasy baqylaýshylar keńesiniń tóraǵasy Eji Starakpen kezdesý barysynda kompaniianyń Qazaqstandaǵy qyzmetiniń negizgi baǵyttary, sondai-aq farmatsevtika salasyndaǵy birlesken jobalardy júzege asyrý máseleleri talqylandy.
Prezidentke Shymkent qalasynda júrgizilip jatqan iri ǵylymi-zertteý ortalyǵy men zerthana qurylysynyń barysy jóninde málimet berildi. Ortalyqta ozyq álemdik talaptarǵa sai keletin tolyq óndiristik tsikl iske qosylady.
Qasym-Jomart Toqaev kompaniia basshylyǵynyń Qazaqstandaǵy farmatsevtika ónerkásibin damytý qyzmetine joǵary baǵa berdi. Sonymen qatar Prezident otandyq densaýlyq saqtaý salasynyń odan ári damýyn qamtamasyz etý úshin joǵary óndiristik standarttardy saqtaý mańyzdy ekenin atap ótti.
