فوتو: Akorda.kz
پرەزيدەنت شەتەلدٸك ينۆەستورلار كەڭەسٸنٸڭ وتىرىسىنا قاتىسۋشىلارمەن كەزدەستٸ, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
مەملەكەت باسشىسى شەتەلدٸك ينۆەستورلار كەڭەسٸنٸڭ وتىرىسىنا قاتىسقان حالىقارالىق قارجى ينستيتۋتتارىنىڭ جەنە ٸرٸ كومپانييالاردىڭ باسشىلارىمەن بٸرقاتار كەزدەسۋ ٶتكٸزدٸ.
Eni S.p.A كومپانيياسىنىڭ باس اتقارۋشى ديرەكتورى كلاۋديو دەسكالتسيمەن كەزدەسۋ بارىسىندا كومپانييانىڭ قازاقستانداعى قىزمەتٸنە قاتىستى مەسەلەلەر, سونداي-اق قاشاعان جەنە قاراشىعاناق كەن ورىندارىنداعى ماڭىزدى مۇناي-گاز جوبالارىن ٸسكە اسىرۋ جوسپارى قاراستىرىلدى.
مەملەكەت باسشىسىنا ەلٸمٸزدٸڭ مۇناي-گاز سالاسىن ودان ەرٸ دامىتۋ جٶنٸندەگٸ كونسورتسيۋم جۇمىسىنىڭ نەگٸزگٸ باعىتتارى تۋرالى اقپارات بەرٸلدٸ. اتاپ ايتقاندا, قاراشىعاناقتا قۋاتى 4 ميلليارد تەكشە مەتر بولاتىن گاز ٶڭدەۋ زاۋىتىن سالۋ پەرسپەكتيۆالارى تالقىلاندى.
قاسىم-جومارت توقاەۆ Eni S.p.A كومپانيياسى قازاقستاننىڭ ەنەرگەتيكا سالاسىنداعى ستراتەگييالىق سەرٸكتەستەرٸنٸڭ بٸرٸ ەكەنٸنە توقتالىپ, ونىڭ ەلٸمٸزدٸڭ ٸرٸ كەن ورىندارىن يگەرۋگە ٷلەس قوسقانىن اتاپ ٶتتٸ.
مەملەكەت باسشىسىنىڭ قاتىسۋىمەن قازاقستان رەسپۋبليكاسى, ماڭعىستاۋ وبلىسى, جاڭاٶزەن قالاسىندا گيبريدتٸ ەلەكتر ستانتسيياسىن سالۋ جوباسىنا قاتىستى «قازمۇنايگاز» ۇلتتىق كومپانيياسى» اكتسيونەرلٸك قوعامى مەن Eni S.p.A كومپانيياسى اراسىنداعى قاعيدالار تۋرالى كەلٸسٸمگە قول قويىلدى.
ازييا دامۋ بانكٸنٸڭ پرەزيدەنتٸ ماساتسۋگۋ اساكاۆامەن كەزدەسۋدە بانكتٸڭ قازاقستانداعى جوبالاردى قارجىلاندىرۋ مەسەلەلەرٸ تالقىلاندى.
مەملەكەت باسشىسى كەلەسٸ جىلى قازاقستان مەن ازييا دامۋ بانكٸ اراسىنداعى ىنتىماقتاستىقتىڭ 30 جىلدىعى اتاپ ٶتٸلەتٸنٸنە توقتالىپ, ەلٸمٸزدٸڭ ەكونوميكالىق دامۋىنا ٷلەس قوسقانى ٷشٸن بانك باسشىلىعىنا العىس ايتتى.
ٶز كەزەگٸندە ماساتسۋگۋ اساكاۆا پرەزيدەنتكە قارجى ينستيتۋتىنىڭ 2023-2027 جىلدارعا ارنالعان قازاقستانمەن سەرٸكتەستٸك ستراتەگيياسى جٶنٸندە مەلٸمەت بەردٸ.
سونىمەن قاتار مەملەكەت باسشىسى دٷنيجٷزٸلٸك بانكتٸڭ ۆيتسە-پرەزيدەنتٸ انتونەللا باسسانيمەن كەزدەسۋ ٶتكٸزدٸ.
قاسىم-جومارت توقاەۆ انتونەللا باسسانيدٸ دٷنيجٷزٸلٸك بانكتٸڭ ەۋروپا جەنە ورتالىق ازييا بويىنشا ۆيتسە-پرەزيدەنتٸ لاۋازىمىنا تاعايىندالۋىمەن قۇتتىقتادى.
مەملەكەت باسشىسى دٷنيەجٷزٸلٸك بانك وسى ۋاقىتقا دەيٸن قازاقستانداعى تٷرلٸ جوبالارعا 8 ميلليارد دوللاردان استام قارجى بٶلگەنٸن اتاپ ٶتٸپ, قارجى ينستيتۋتىنىڭ ەلٸمٸزبەن سەرٸكتەستٸگٸ جالعاسىن تاباتىنىنا سەنٸم بٸلدٸردٸ.
پرەزيدەنت ەلٸمٸزدە كٶمٸرسۋتەگٸ بەيتاراپتىعىنا جەتۋ ٷشٸن 2035 جىلعا دەيٸن جالپى قۋاتى 10 گۆت «تازا» ەنەرگييا ٶندٸرٸسٸن ٸسكە قوسۋ, سونداي-اق ترانسكاسپيي كٶلٸك باعدارىن دامىتۋ جوبالارى جوسپارلانىپ وتىرعانىن جەتكٸزدٸ. بۇدان بٶلەك, قازاقستان دٷنيەجٷزٸلٸك بانك تاراپىنان ۇزاقمەرزٸمدٸ ينۆەستيتسيياعا مٷددەلٸ ەكەنٸن راستادى.
انتونەللا باسساني قاسىم-جومارت توقاەۆقا دٷنيەجٷزٸلٸك بانكتٸڭ قازاقستاندا جەنە ورتالىق ازييا ايماعىندا جٷزەگە اسىرىلىپ جاتقان جوبالارى مەن الداعى جوسپارلارى جٶنٸندە مەلٸمەت بەردٸ. سونداي-اق ول جاھاندىق ەكونوميكانىڭ دامۋىنا قاتىستى ٶزٸنٸڭ پٸكٸرٸن ايتتى.
ال Citigroup كومپانيياسىنىڭ ەۋروپا, تاياۋ شىعىس جەنە افريكا بويىنشا باس اتقارۋشى ديرەكتورى دەۆيد ليۆينگستونمەن كەزدەسۋ بارىسىندا حالىقارالىق قارجى ينستيتۋتىنىڭ ەلٸمٸزدەگٸ قىزمەتٸنٸڭ پەرسپەكتيۆالارى قاراستىرىلدى.
پرەزيدەنت ەلٸمٸزدٸڭ قارجى سەكتورىنداعى تسيفرلىق ترانسفورماتسييانى دامىتۋ ٸسٸندەگٸ كومپانييا باسشىسىنىڭ كٷش-جٸگەرٸن جوعارى باعالادى.
دەۆيد ليۆينگستون مەملەكەت باسشىسىنا بىلتىر سitibank Kazakhstan استانا حالىقارالىق بيرجاسىنىڭ قۇندى قاعازدار ورتالىق دەپوزيتارييٸنە (AIX CSD) مٷشە بولعانىن جەتكٸزدٸ. ونىڭ ايتۋىنشا, بۇل حالىقارالىق ينستيتۋتتىق ينۆەستورلارعا ٶز اكتيۆتەرٸن AIX دەپوزيتارييٸندە ساقتاۋعا مٷمكٸندٸك بەرەدٸ.
Polpharma SA كومپانيياسى باقىلاۋشىلار كەڭەسٸنٸڭ تٶراعاسى ەجي ستاراكپەن كەزدەسۋ بارىسىندا كومپانييانىڭ قازاقستانداعى قىزمەتٸنٸڭ نەگٸزگٸ باعىتتارى, سونداي-اق فارماتسەۆتيكا سالاسىنداعى بٸرلەسكەن جوبالاردى جٷزەگە اسىرۋ مەسەلەلەرٸ تالقىلاندى.
پرەزيدەنتكە شىمكەنت قالاسىندا جٷرگٸزٸلٸپ جاتقان ٸرٸ عىلىمي-زەرتتەۋ ورتالىعى مەن زەرتحانا قۇرىلىسىنىڭ بارىسى جٶنٸندە مەلٸمەت بەرٸلدٸ. ورتالىقتا وزىق ەلەمدٸك تالاپتارعا ساي كەلەتٸن تولىق ٶندٸرٸستٸك تسيكل ٸسكە قوسىلادى.
قاسىم-جومارت توقاەۆ كومپانييا باسشىلىعىنىڭ قازاقستانداعى فارماتسەۆتيكا ٶنەركەسٸبٸن دامىتۋ قىزمەتٸنە جوعارى باعا بەردٸ. سونىمەن قاتار پرەزيدەنت وتاندىق دەنساۋلىق ساقتاۋ سالاسىنىڭ ودان ەرٸ دامۋىن قامتاماسىز ەتۋ ٷشٸن جوعارى ٶندٸرٸستٸك ستاندارتتاردى ساقتاۋ ماڭىزدى ەكەنٸن اتاپ ٶتتٸ.
