Foto: Aqorda
Sammitti ashqan Qasym-Jomart Toqaev jiynǵa qatysqany jáne óńirlik kooperatsiiaǵa qoldaý kórsetkeni úshin Federaldyq kantsler Olaf Sholts pen Ortalyq Aziia memleketteriniń basshylaryna rizashylyǵyn bildirdi. Prezident byltyr qyrkúiekte Berlinde bastalǵan joǵary deńgeidegi dialog turaqty jáne senimdi sipatqa ie bolǵanyn atap ótti, dep habarlaidy "Ult aqparat" Aqordaǵa silteme jasap.
"Bul Ortalyq Aziia memleketteri men Germaniianyń óńirlik strategiialyq seriktestikti jan-jaqty damytýǵa múddeliligi men umtylysyn aiǵaqtaidy dep sanaimyn. Bizdiń kezdesýimiz birlesken jumysty qorytyndylap qana qoimai, kooperatsiiany odan ári tereńdetýdiń jańa baǵyttaryn aiqyndaýdy maqsat etedi. Búgin saýda, investitsiia, energetika, ekologiia, kólik-logistika, bilim-ǵylym siiaqty salalarǵa qatysty mańyzdy máselelerdi talqylaimyz. Syndarly pikir almasýlar elderimizge paida ákeletin sheshimder shyǵarýǵa yqpal etetinine senimdimin", – dedi Qasym-Jomart Toqaev.
Memleket basshysynyń pikirinshe, búgin «Ortalyq Aziia – Germaniia» formatyndaǵy kópjaqty yntymaqtastyq tarihynda jańa kezeń bastalady.
"Germaniianyń áleýmettik-ekonomikalyq, ǵylymi-tehnikalyq turǵydan damýy kóptegen memleketke jaqsy úlgi. Nemis tehnologiiasy men investitsiiasy ekonomikanyń túrli salasyna oń áser etip otyr. Biz Germaniianyń óńirimizdegi barlyq memleketpen teńquqyly seriktestikti damytýǵa niet tanytqanyn joǵary baǵalaimyz. Oǵan Germaniianyń sotsial-demokratiialyq partiiasy qabyldaǵan «Ortalyq Aziia: bailanys jáne múmkindik» atty baǵdarly qujaty dálel bola alady", – dedi Qazaqstan Prezidenti.
Qasym-Jomart Toqaev elimiz «Tabysty Ortalyq Aziia – tabysty Qazaqstan» formýlasyna sai «Ortalyq Aziia pliýs» formatyndaǵy yntymaqtastyqty nyǵaitýǵa umtylatynyn jetkizdi. Sondyqtan álemniń eń damyǵan memleketi ári Eýropa Odaǵynyń iri ekonomikasy sanalatyn Germaniiamen keń aýqymdy seriktestik ornatý – Qazaqstan men Ortalyq Aziia memleketteri úshin basty basymdyq.
Aita keteiik, Ortalyq Aziia memleketteri basshylary men Germaniianyń Federaldyq kantsleri Táýelsizdik saraiynda bas qosty.
