فوتو: اقوردا
سامميتتٸ اشقان قاسىم-جومارت توقاەۆ جيىنعا قاتىسقانى جەنە ٶڭٸرلٸك كووپەراتسيياعا قولداۋ كٶرسەتكەنٸ ٷشٸن فەدەرالدىق كانتسلەر ولاف شولتس پەن ورتالىق ازييا مەملەكەتتەرٸنٸڭ باسشىلارىنا ريزاشىلىعىن بٸلدٸردٸ. پرەزيدەنت بىلتىر قىركٷيەكتە بەرليندە باستالعان جوعارى دەڭگەيدەگٸ ديالوگ تۇراقتى جەنە سەنٸمدٸ سيپاتقا يە بولعانىن اتاپ ٶتتٸ, دەپ حابارلايدى "ۇلت اقپارات" اقورداعا سٸلتەمە جاساپ.
"بۇل ورتالىق ازييا مەملەكەتتەرٸ مەن گەرمانييانىڭ ٶڭٸرلٸك ستراتەگييالىق سەرٸكتەستٸكتٸ جان-جاقتى دامىتۋعا مٷددەلٸلٸگٸ مەن ۇمتىلىسىن ايعاقتايدى دەپ سانايمىن. بٸزدٸڭ كەزدەسۋٸمٸز بٸرلەسكەن جۇمىستى قورىتىندىلاپ قانا قويماي, كووپەراتسييانى ودان ەرٸ تەرەڭدەتۋدٸڭ جاڭا باعىتتارىن ايقىنداۋدى ماقسات ەتەدٸ. بٷگٸن ساۋدا, ينۆەستيتسييا, ەنەرگەتيكا, ەكولوگييا, كٶلٸك-لوگيستيكا, بٸلٸم-عىلىم سيياقتى سالالارعا قاتىستى ماڭىزدى مەسەلەلەردٸ تالقىلايمىز. سىندارلى پٸكٸر الماسۋلار ەلدەرٸمٸزگە پايدا ەكەلەتٸن شەشٸمدەر شىعارۋعا ىقپال ەتەتٸنٸنە سەنٸمدٸمٸن", – دەدٸ قاسىم-جومارت توقاەۆ.
مەملەكەت باسشىسىنىڭ پٸكٸرٸنشە, بٷگٸن «ورتالىق ازييا – گەرمانييا» فورماتىنداعى كٶپجاقتى ىنتىماقتاستىق تاريحىندا جاڭا كەزەڭ باستالادى.
"گەرمانييانىڭ ەلەۋمەتتٸك-ەكونوميكالىق, عىلىمي-تەحنيكالىق تۇرعىدان دامۋى كٶپتەگەن مەملەكەتكە جاقسى ٷلگٸ. نەمٸس تەحنولوگيياسى مەن ينۆەستيتسيياسى ەكونوميكانىڭ تٷرلٸ سالاسىنا وڭ ەسەر ەتٸپ وتىر. بٸز گەرمانييانىڭ ٶڭٸرٸمٸزدەگٸ بارلىق مەملەكەتپەن تەڭقۇقىلى سەرٸكتەستٸكتٸ دامىتۋعا نيەت تانىتقانىن جوعارى باعالايمىز. وعان گەرمانييانىڭ سوتسيال-دەموكراتييالىق پارتيياسى قابىلداعان «ورتالىق ازييا: بايلانىس جەنە مٷمكٸندٸك» اتتى باعدارلى قۇجاتى دەلەل بولا الادى", – دەدٸ قازاقستان پرەزيدەنتٸ.
قاسىم-جومارت توقاەۆ ەلٸمٸز «تابىستى ورتالىق ازييا – تابىستى قازاقستان» فورمۋلاسىنا ساي «ورتالىق ازييا پليۋس» فورماتىنداعى ىنتىماقتاستىقتى نىعايتۋعا ۇمتىلاتىنىن جەتكٸزدٸ. سوندىقتان ەلەمنٸڭ ەڭ دامىعان مەملەكەتٸ ەرٸ ەۋروپا وداعىنىڭ ٸرٸ ەكونوميكاسى سانالاتىن گەرمانييامەن كەڭ اۋقىمدى سەرٸكتەستٸك ورناتۋ – قازاقستان مەن ورتالىق ازييا مەملەكەتتەرٸ ٷشٸن باستى باسىمدىق.
ايتا كەتەيٸك, ورتالىق ازييا مەملەكەتتەرٸ باسشىلارى مەن گەرمانييانىڭ فەدەرالدىق كانتسلەرٸ تەۋەلسٸزدٸك سارايىندا باس قوستى.
