Memleket basshysy belgili telejýrnalist Nurtileý Imanǵaliulynyń dúnieden ótýine bailanysty kóńil aitty, dep habarlaidy "Ult aqparat".
«Qazaqstan Prezidenti Qasym-Jomart Toqaev tanymal jýrnalist, qazaq televiziiasynyń ardageri Nurtileý Imanǵaliulynyń otbasy men jaqyn týystaryna kóńil aitý jedelhatyn joldady», dep jazdy Prezidenttiń baspasóz hatshysy Bárik Ýáli Facebook-tegi paraqshasynda.
«Nurtileý Imanǵaliuly televiziia salasynda óziniń qoltańbasyn qaldyrdy. Uzaq jylǵy shyǵarmashylyq jolda jemisti eńbek etip, halqymyzdyń rýhani-mádeni bailyǵyn damytýǵa mol úles qosty. Marqumnyń jany jánnatta, imany salamat bolsyn», – dep jazylǵan jedelhatta.
Eske sala ketsek, búgin tańerteń qazaq televiziiasynda 45 jyl qyzmet atqarǵan jýrnalistika ardageri Nurtileý Imanǵaliuly ómirden ótti. Nurtileý Imanǵaliuly «Qurdastar», «Jastar daýysy», «Arai», «Jadyńda ma, joldas», «Aina», «Jas jiger»,«Betpe-bet», «Qoltańba», «Dińgek», «Kórshiler», «Zań sóilesin», «Nur-Tiley» avtorlyq baǵdarlamalary arqyly qalyń kórermen esinde qaldy.
