مەملەكەت باسشىسى بەلگٸلٸ تەلەجۋرناليست نۇرتٸلەۋ يمانعاليۇلىنىڭ دٷنيەدەن ٶتۋٸنە بايلانىستى كٶڭٸل ايتتى, دەپ حابارلايدى "ۇلت اقپارات".
«قازاقستان پرەزيدەنتٸ قاسىم-جومارت توقاەۆ تانىمال جۋرناليست, قازاق تەلەۆيزيياسىنىڭ ارداگەرٸ نۇرتٸلەۋ يمانعاليۇلىنىڭ وتباسى مەن جاقىن تۋىستارىنا كٶڭٸل ايتۋ جەدەلحاتىن جولدادى», دەپ جازدى پرەزيدەنتتٸڭ باسپاسٶز حاتشىسى بەرٸك ۋەلي Facebook-تەگٸ پاراقشاسىندا.
«نۇرتٸلەۋ يمانعاليۇلى تەلەۆيزييا سالاسىندا ٶزٸنٸڭ قولتاڭباسىن قالدىردى. ۇزاق جىلعى شىعارماشىلىق جولدا جەمٸستٸ ەڭبەك ەتٸپ, حالقىمىزدىڭ رۋحاني-مەدەني بايلىعىن دامىتۋعا مول ٷلەس قوستى. مارقۇمنىڭ جانى جەنناتتا, يمانى سالامات بولسىن», – دەپ جازىلعان جەدەلحاتتا.
ەسكە سالا كەتسەك, بٷگٸن تاڭەرتەڭ قازاق تەلەۆيزيياسىندا 45 جىل قىزمەت اتقارعان جۋرناليستيكا ارداگەرٸ نۇرتٸلەۋ يمانعاليۇلى ٶمٸردەن ٶتتٸ. نۇرتٸلەۋ يمانعاليۇلى «قۇرداستار», «جاستار داۋىسى», «اراي», «جادىڭدا ما, جولداس», «اينا», «جاس جٸگەر»,«بەتپە-بەت», «قولتاڭبا», «دٸڭگەك», «كٶرشٸلەر», «زاڭ سٶيلەسٸن», «Nur-Tiley» اۆتورلىق باعدارلامالارى ارقىلى قالىڭ كٶرەرمەن ەسٸندە قالدى.
