Foto: Aqorda
Memleket basshysy Premer-ministrdiń birinshi orynbasary Nurlybek Nálibaevty qabyldady, dep habarlady Aqorda.
Qasym-Jomart Toqaevqa ónerkásipti damytý jáne iri infraqurylymdyq jobalardy júzege asyrý máseleleri jóninde baiandaldy.
Prezidentke óńdeý ónerkásibinde júrgizilip jatqan negizgi jumystar týraly aqparat berildi.
Premer-ministrdiń birinshi orynbasary qosylǵan quny joǵary ónim shyǵarýdy arttyrý jáne energetikalyq infraqurylymdy jańǵyrtý josparyna toqtaldy.
Sonymen qatar Memleket basshysyna kólik-logistika infraqurylymy men qurylys salasyn damytý jaiynda aityldy.
Kezdesý sońynda Qasym-Jomart Toqaev infraqurylymdyq jobalardyń sapaly júzege asyrylýyn qamtamasyz etýdi, otandyq taýar óndirýshilerdi qoldaýdy jáne aldaǵy jylý berý maýsymyna daiyndyq sharalaryn baqylaýdy kúsheitý jóninde tapsyrma berdi.
