Prezident Qasym-Jomart Toqaev «Táýelsizdik bárinen qymbat» atty óz maqalasynda Naýryz meiramyn atap ótý júiesin qurýǵa basa nazar aýdarǵany qýantady. Mundai pikirdi aitysker aqyn, filologiia ǵylymdarynyń kandidaty Serikzat Dúisenǵazin bildirdi, dep habarlaidy QazAqparat.
«Prezidenttiń 30 jylda atqarylǵan eleýli isterdi saraptap, aldaǵy on jyldyqtyń josparyn túzgen maqalasy bárimizdi tolǵantty. Maqalada kóbine ulttyq dúnielerge basymdyq berilgen. Al ózime erekshe unaǵan bastamanyń biri – Naýryz meiramyn atap ótý júiesin jasaý. Óitkeni, bizde Naýryzdy merekeleý kontseptsiiasy joq. Osy taqyrypqa kelgende kóp syn aitylady. Tól mádenietimizdi dáripteý úshin Naýryzdyń mán-mańyzy erekshe. Sondyqtan Prezidenttiń ózi osy máselege basa nazar aýdarǵany – barlyǵymyzdy qýantyp otyr.
Sonymen qatar Prezident óz maqalasynda sońǵy kezderi soltústik óńirlerdiń shekarasyna qatysty jii aitylyp júrgen arandatýshylyq oi-pikirlerge naqty núkte qoia bilgen. Memleket basshysy Qazaqstannyń halyqaralyq uiymdarmen moiyndalǵan shekarasy bar jáne oǵan eshkimniń kúmáni bolmaýǵa tiis ekenin ashyp aitty», - dedi Serikzat Dúisenǵazin.
Budan bólek aitysker aqyn Memleket basshysyń sapaly tarihi kinofilmderdi kóptep túsirip, sol arqyly jas býyndy tárbieleý qajettigi aitylǵan bastamasyna qoldaý bildirdi.
«Kino salasy elimizde kemshindeý. Filmder túsirildi, biraq ol týyndylar arqyly tolyq tarihymyzdy álemge tanyta almadyq. Sonyń saldarynan keibir kórshilerimiz «Qazaq halqynyń jeri bizdiki» degen pikir aityp júr.
Sondyqtan biz tarihymyzdyń tereńnen bastaý alatynyn dáleldeýimiz qajet. Osy oraida Prezident Qasym-Jomart Toqaev Altyn ordanyń tarihy suranyp turǵanyn aitty. Iaǵni, biz jarty álemdi bilegen Altyn ordanyń tarihi shekarasyn iemdenip qalǵan memlekettiń jalǵasymyz», - dep atap ótti Serikzat Dúisenǵazin.
.jpeg)