پرەزيدەنت قاسىم-جومارت توقاەۆ «تەۋەلسٸزدٸك بەرٸنەن قىمبات» اتتى ٶز ماقالاسىندا ناۋرىز مەيرامىن اتاپ ٶتۋ جٷيەسٸن قۇرۋعا باسا نازار اۋدارعانى قۋانتادى. مۇنداي پٸكٸردٸ ايتىسكەر اقىن, فيلولوگييا عىلىمدارىنىڭ كانديداتى سەرٸكزات دٷيسەنعازين بٸلدٸردٸ, دەپ حابارلايدى قازاقپارات.
«پرەزيدەنتتٸڭ 30 جىلدا اتقارىلعان ەلەۋلٸ ٸستەردٸ ساراپتاپ, الداعى ون جىلدىقتىڭ جوسپارىن تٷزگەن ماقالاسى بەرٸمٸزدٸ تولعانتتى. ماقالادا كٶبٸنە ۇلتتىق دٷنيەلەرگە باسىمدىق بەرٸلگەن. ال ٶزٸمە ەرەكشە ۇناعان باستامانىڭ بٸرٸ – ناۋرىز مەيرامىن اتاپ ٶتۋ جٷيەسٸن جاساۋ. ٶيتكەنٸ, بٸزدە ناۋرىزدى مەرەكەلەۋ كونتسەپتسيياسى جوق. وسى تاقىرىپقا كەلگەندە كٶپ سىن ايتىلادى. تٶل مەدەنيەتٸمٸزدٸ دەرٸپتەۋ ٷشٸن ناۋرىزدىڭ مەن-ماڭىزى ەرەكشە. سوندىقتان پرەزيدەنتتٸڭ ٶزٸ وسى مەسەلەگە باسا نازار اۋدارعانى – بارلىعىمىزدى قۋانتىپ وتىر.
سونىمەن قاتار پرەزيدەنت ٶز ماقالاسىندا سوڭعى كەزدەرٸ سولتٷستٸك ٶڭٸرلەردٸڭ شەكاراسىنا قاتىستى جيٸ ايتىلىپ جٷرگەن ارانداتۋشىلىق وي-پٸكٸرلەرگە ناقتى نٷكتە قويا بٸلگەن. مەملەكەت باسشىسى قازاقستاننىڭ حالىقارالىق ۇيىمدارمەن مويىندالعان شەكاراسى بار جەنە وعان ەشكٸمنٸڭ كٷمەنٸ بولماۋعا تيٸس ەكەنٸن اشىپ ايتتى», - دەدٸ سەرٸكزات دٷيسەنعازين.
بۇدان بٶلەك ايتىسكەر اقىن مەملەكەت باسشىسىڭ ساپالى تاريحي كينوفيلمدەردٸ كٶپتەپ تٷسٸرٸپ, سول ارقىلى جاس بۋىندى تەربيەلەۋ قاجەتتٸگٸ ايتىلعان باستاماسىنا قولداۋ بٸلدٸردٸ.
«كينو سالاسى ەلٸمٸزدە كەمشٸندەۋ. فيلمدەر تٷسٸرٸلدٸ, بٸراق ول تۋىندىلار ارقىلى تولىق تاريحىمىزدى ەلەمگە تانىتا المادىق. سونىڭ سالدارىنان كەيبٸر كٶرشٸلەرٸمٸز «قازاق حالقىنىڭ جەرٸ بٸزدٸكٸ» دەگەن پٸكٸر ايتىپ جٷر.
سوندىقتان بٸز تاريحىمىزدىڭ تەرەڭنەن باستاۋ الاتىنىن دەلەلدەۋٸمٸز قاجەت. وسى ورايدا پرەزيدەنت قاسىم-جومارت توقاەۆ التىن وردانىڭ تاريحى سۇرانىپ تۇرعانىن ايتتى. ياعني, بٸز جارتى ەلەمدٸ بيلەگەن التىن وردانىڭ تاريحي شەكاراسىن يەمدەنٸپ قالعان مەملەكەتتٸڭ جالعاسىمىز», - دەپ اتاپ ٶتتٸ سەرٸكزات دٷيسەنعازين.
.jpeg)