Memleket basshysy Qasym-Jomart Toqaev Úkimetke Qazaqstan Respýblikasynyń 2035 jylǵa deiingi energetikalyq balansyn ázirleýdi tapsyrdy, dep habarlaidy QazAqparat.
«Eldi ary qarai damytýda mańyzdy tetikterdiń biri – elektr energiiasy júiesiniń úzilissiz ári senimdi jumysy. Keiingi kezde kórshi elderdiń elektr júielerine degen tarihi táýeldiliktiń saldarynan ońtústik óńirlerdi elektrmen qamtýda máseleler paida bola bastady. Osy jyldyń 10 qańtarynda Batys Qazaqstanda tirkelgen apattyq oqiǵa atalǵan aimaqtyń elektr júiesindegi kemshilikterdi aiqyndap berdi. Men Úkimet pen «Samuryq-Qazyna» qoryna az ýaqytta elektr energiiasy júiesiniń ońtústik aýmaǵynda jumysty kúsheitýdi, sonymen qatar eldiń batys aimaqtarymen tranzittik bailanysty kúsheitý isin tapsyramyn», - dedi Qasym-Jomart Toqaev Úkimettiń keńeitilgen otyrysynda.
Prezidenttiń aitýynsha, aldaǵy ýaqytta eldiń batysy men ońtústiginiń elektr júiesin Qazaqstannyń biryńǵai elektr energiiasy júiesine qosý kerek.
«2027 jylǵa qarai elekr qýatynyń jetispeýshiligin eskere otyryp, Úkimetke Qazaqstan Respýblikasynyń 2035 jylǵa deiingi energetikalyq balansyn ázirleýdi tapsyramyn», - dedi Prezident.
