مەملەكەت باسشىسى قاسىم-جومارت توقاەۆ ٷكٸمەتكە قازاقستان رەسپۋبليكاسىنىڭ 2035 جىلعا دەيٸنگٸ ەنەرگەتيكالىق بالانسىن ەزٸرلەۋدٸ تاپسىردى, دەپ حابارلايدى قازاقپارات.
«ەلدٸ ارى قاراي دامىتۋدا ماڭىزدى تەتٸكتەردٸڭ بٸرٸ – ەلەكتر ەنەرگيياسى جٷيەسٸنٸڭ ٷزٸلٸسسٸز ەرٸ سەنٸمدٸ جۇمىسى. كەيٸنگٸ كەزدە كٶرشٸ ەلدەردٸڭ ەلەكتر جٷيەلەرٸنە دەگەن تاريحي تەۋەلدٸلٸكتٸڭ سالدارىنان وڭتٷستٸك ٶڭٸرلەردٸ ەلەكترمەن قامتۋدا مەسەلەلەر پايدا بولا باستادى. وسى جىلدىڭ 10 قاڭتارىندا باتىس قازاقستاندا تٸركەلگەن اپاتتىق وقيعا اتالعان ايماقتىڭ ەلەكتر جٷيەسٸندەگٸ كەمشٸلٸكتەردٸ ايقىنداپ بەردٸ. مەن ٷكٸمەت پەن «سامۇرىق-قازىنا» قورىنا از ۋاقىتتا ەلەكتر ەنەرگيياسى جٷيەسٸنٸڭ وڭتٷستٸك اۋماعىندا جۇمىستى كٷشەيتۋدٸ, سونىمەن قاتار ەلدٸڭ باتىس ايماقتارىمەن ترانزيتتٸك بايلانىستى كٷشەيتۋ ٸسٸن تاپسىرامىن», - دەدٸ قاسىم-جومارت توقاەۆ ٷكٸمەتتٸڭ كەڭەيتٸلگەن وتىرىسىندا.
پرەزيدەنتتٸڭ ايتۋىنشا, الداعى ۋاقىتتا ەلدٸڭ باتىسى مەن وڭتٷستٸگٸنٸڭ ەلەكتر جٷيەسٸن قازاقستاننىڭ بٸرىڭعاي ەلەكتر ەنەرگيياسى جٷيەسٸنە قوسۋ كەرەك.
«2027 جىلعا قاراي ەلەكر قۋاتىنىڭ جەتٸسپەۋشٸلٸگٸن ەسكەرە وتىرىپ, ٷكٸمەتكە قازاقستان رەسپۋبليكاسىنىڭ 2035 جىلعا دەيٸنگٸ ەنەرگەتيكالىق بالانسىن ەزٸرلەۋدٸ تاپسىرامىن», - دەدٸ پرەزيدەنت.
