Memleket basshysy Indýstriialandyrý kúnine jáne «Paryz», «Altyn sapa» syilyqtarynyń jeńimpazdaryn marapattaý rásimine qatysty, dep habarlaidy "Ult aqparat" Aqordaǵa silteme jasap.
Qasym-Jomart Toqaev halqymyzdy Táýelsizdik kúnimen quttyqtap, Elbasynyń myqty memleket qalyptastyrýdaǵy jáne el ekonomikasyn nyǵaitýdaǵy rólin atap ótti.
– Tuńǵysh Prezidentimiz Nursultan Ábishuly Nazarbaev aitqandai, Táýelsizdikti jariialaý bir basqa da, ony ustap turý odan da qiyn ári mańyzdy. Elbasynyń basshylyǵymen ótken 28 jyl ishinde Qazaqstan orasan zor tabysqa qol jetkizdi. Indýstriialandyrý eldiń ekonomikalyq damýynyń berik negizin qalyptastyrdy. Búkil elimiz boiynsha 1300-ge jýyq jańa óndiris oryndary iske qosyldy. Sonyń nátijesinde sońǵy on jylda óndeý sektoryndaǵy óndiris kólemi 3 eseden astam ulǵaidy, – dedi Memleket basshysy.
Prezident óńdeý ónerkásibine 34 milliard dollardan astam tikelei shet el investitsiiasy tartylǵanyn atap ótti. Búginde bul sektordaǵy eksport kólemi otyz paiyzdan astam artyp, 165 milliard dollarǵa jetti. Qazaqstanda shyǵarylǵan ónim álemniń 120-dan astam eline jetkiziledi.
– Indýstriialandyrý álemdik daǵdarys kezinde ekonomikamyzdyń damýyna tyń serpin berdi. Ekonomikanyń kóptegen salasy men sektorynyń túri, qurylymy birtindep ózgerip keledi. Metallýrgiia salasynda rels, sym-temirler, radiatorlar jáne basqa da bolattan jasalǵan kóptegen daiyn ónimder shyǵaryla bastady. Elimizde aliýminiidiń bastapqy túrin qaita óńdeý isi artty. Búginde Qazaqstan álemdegi titan óndiretin elderdiń qataryna qosyldy. Buryn shyǵarylmaǵan titan quimalary men qorytpalary sekildi ónim túrlerin óndirý igerildi, – dedi Qasym-Jomart Toqaev.
Memleket basshysynyń aitýynsha, mashina jasaý salasyn damytýǵa jaǵdai jasalǵan. Bul óndiris kólemin 8 ese arttyrýǵa múmkindik berdi. Biylǵy 10 ai ishinde 38 myńnan astam avtomobil shyǵaryldy.
Prezident óz sózinde 4.0 indýstriiasyn damytý otandyq ónerkásipti jańǵyrtýdyń ózekti ári mańyzdy baǵyttarynyń biri ekenin aitty.
– Úkimettiń aldynda 2025 jylǵa qarai tsifrlyq tehnologiiany engizgen óńdeý ónerkásibindegi iri jáne orta kásiporyndardyń sanyn 200-ge deiin jetkizý maqsaty tur. Nátijesinde tehnologiialyq damýdyń qazirgi deńgeiinen «aqyldy óndiris» deńgeiine kóshý qamtamasyz etilýi tiis, iaǵni, óndiris tolyq avtomattandyrylýy jáne robottandyrylýy qajet, – dedi Qazaqstan Prezidenti.
Qasym-Jomart Toqaev kásipkerler men memlekettik qurylymdardyń ókilderin jańa syn-qaterlerdi eskerýge shaqyrdy. Saýda soǵysy men sanktsiialyq shekteýler jaǵdaiynda Qazaqstannyń ekonomikalyq áleýetin júzege asyrý úshin ulttyq biznestiń halyqaralyq básekege qabilettiligin arttyrý mańyzdy sanalady.
– Indýstriialandyrýdyń úshinshi baǵdarlamasyn iske asyrý 2020 jyldan bastalady. Biz jeke sektordyń áleýetin barynsha paidalana otyryp, eksportqa negizdelgen óńdeý ónerkásibiniń damý baǵytyn aiqyndadyq. Indýstriialandyrýdyń úshinshi besjyldyǵyn júzege asyrý kezinde ótken besjyldyqtardaǵy kemshilikterdi eskerip, óńdelgen ónimderdiń eksportyn ulǵaitý, shyǵarylatyn ónimderdi tehnologiialyq turǵydan «kúrdelendirý», sapaly jumys oryndaryn ashý sekildi mindetterdi oryndaý kerek, – dedi Memleket basshysy.
Prezidenttiń pikirinshe, Indýstriialandyrý memlekettik baǵdarlamasy ekonomikadaǵy qurylymdyq transformatsiianyń negizgi faktory bolýy tiis. Nátijesinde ekonomikanyń teńgerimdi ósimi men azamattardyń ál-aýqaty artady.
Shara sońynda Qasym-Jomart Toqaev Biznestiń áleýmettik jaýapkershiligi jónindegi «Paryz» respýblikalyq konkýrsynyń jeńimpazdaryn jáne «Altyn sapa» syilyǵynyń laýreattaryn marapattady.
«Paryz» konkýrsynyń gran-pri júldesin «Eýraziialyq top», «Úzdik áleýmettik jaýapty kásiporyn» atalymy boiynsha altyn júlde «Abzal jáne K» kompaniiasyna (Qyzylorda oblysy) berildi. «Biomer Armatýra» JShS (Qaraǵandy oblysy) «Úzdik indýstriialyq joba» atalymy boiynsha, «SKZ-U» JShS (Qyzylorda oblysy) «Úzdik innovatsiialyq joba» atalymy boiynsha «Altyn sapa» Prezident syilyǵynyń laýreattary atandy.
