مەملەكەت باسشىسى يندۋسترييالاندىرۋ كٷنٸنە جەنە «پارىز», «التىن ساپا» سىيلىقتارىنىڭ جەڭٸمپازدارىن ماراپاتتاۋ رەسٸمٸنە قاتىستى, دەپ حابارلايدى "ۇلت اقپارات" اقورداعا سٸلتەمە جاساپ.
قاسىم-جومارت توقاەۆ حالقىمىزدى تەۋەلسٸزدٸك كٷنٸمەن قۇتتىقتاپ, ەلباسىنىڭ مىقتى مەملەكەت قالىپتاستىرۋداعى جەنە ەل ەكونوميكاسىن نىعايتۋداعى رٶلٸن اتاپ ٶتتٸ.
– تۇڭعىش پرەزيدەنتٸمٸز نۇرسۇلتان ەبٸشۇلى نازارباەۆ ايتقانداي, تەۋەلسٸزدٸكتٸ جارييالاۋ بٸر باسقا دا, ونى ۇستاپ تۇرۋ ودان دا قيىن ەرٸ ماڭىزدى. ەلباسىنىڭ باسشىلىعىمەن ٶتكەن 28 جىل ٸشٸندە قازاقستان وراسان زور تابىسقا قول جەتكٸزدٸ. يندۋسترييالاندىرۋ ەلدٸڭ ەكونوميكالىق دامۋىنىڭ بەرٸك نەگٸزٸن قالىپتاستىردى. بٷكٸل ەلٸمٸز بويىنشا 1300-گە جۋىق جاڭا ٶندٸرٸس ورىندارى ٸسكە قوسىلدى. سونىڭ نەتيجەسٸندە سوڭعى ون جىلدا ٶندەۋ سەكتورىنداعى ٶندٸرٸس كٶلەمٸ 3 ەسەدەن استام ۇلعايدى, – دەدٸ مەملەكەت باسشىسى.
پرەزيدەنت ٶڭدەۋ ٶنەركەسٸبٸنە 34 ميلليارد دوللاردان استام تٸكەلەي شەت ەل ينۆەستيتسيياسى تارتىلعانىن اتاپ ٶتتٸ. بٷگٸندە بۇل سەكتورداعى ەكسپورت كٶلەمٸ وتىز پايىزدان استام ارتىپ, 165 ميلليارد دوللارعا جەتتٸ. قازاقستاندا شىعارىلعان ٶنٸم ەلەمنٸڭ 120-دان استام ەلٸنە جەتكٸزٸلەدٸ.
– يندۋسترييالاندىرۋ ەلەمدٸك داعدارىس كەزٸندە ەكونوميكامىزدىڭ دامۋىنا تىڭ سەرپٸن بەردٸ. ەكونوميكانىڭ كٶپتەگەن سالاسى مەن سەكتورىنىڭ تٷرٸ, قۇرىلىمى بٸرتٸندەپ ٶزگەرٸپ كەلەدٸ. مەتاللۋرگييا سالاسىندا رەلس, سىم-تەمٸرلەر, رادياتورلار جەنە باسقا دا بولاتتان جاسالعان كٶپتەگەن دايىن ٶنٸمدەر شىعارىلا باستادى. ەلٸمٸزدە اليۋمينييدٸڭ باستاپقى تٷرٸن قايتا ٶڭدەۋ ٸسٸ ارتتى. بٷگٸندە قازاقستان ەلەمدەگٸ تيتان ٶندٸرەتٸن ەلدەردٸڭ قاتارىنا قوسىلدى. بۇرىن شىعارىلماعان تيتان قۇيمالارى مەن قورىتپالارى سەكٸلدٸ ٶنٸم تٷرلەرٸن ٶندٸرۋ يگەرٸلدٸ, – دەدٸ قاسىم-جومارت توقاەۆ.
مەملەكەت باسشىسىنىڭ ايتۋىنشا, ماشينا جاساۋ سالاسىن دامىتۋعا جاعداي جاسالعان. بۇل ٶندٸرٸس كٶلەمٸن 8 ەسە ارتتىرۋعا مٷمكٸندٸك بەردٸ. بيىلعى 10 اي ٸشٸندە 38 مىڭنان استام اۆتوموبيل شىعارىلدى.
پرەزيدەنت ٶز سٶزٸندە 4.0 يندۋستريياسىن دامىتۋ وتاندىق ٶنەركەسٸپتٸ جاڭعىرتۋدىڭ ٶزەكتٸ ەرٸ ماڭىزدى باعىتتارىنىڭ بٸرٸ ەكەنٸن ايتتى.
– ٷكٸمەتتٸڭ الدىندا 2025 جىلعا قاراي تسيفرلىق تەحنولوگييانى ەنگٸزگەن ٶڭدەۋ ٶنەركەسٸبٸندەگٸ ٸرٸ جەنە ورتا كەسٸپورىنداردىڭ سانىن 200-گە دەيٸن جەتكٸزۋ ماقساتى تۇر. نەتيجەسٸندە تەحنولوگييالىق دامۋدىڭ قازٸرگٸ دەڭگەيٸنەن «اقىلدى ٶندٸرٸس» دەڭگەيٸنە كٶشۋ قامتاماسىز ەتٸلۋٸ تيٸس, ياعني, ٶندٸرٸس تولىق اۆتوماتتاندىرىلۋى جەنە روبوتتاندىرىلۋى قاجەت, – دەدٸ قازاقستان پرەزيدەنتٸ.
قاسىم-جومارت توقاەۆ كەسٸپكەرلەر مەن مەملەكەتتٸك قۇرىلىمداردىڭ ٶكٸلدەرٸن جاڭا سىن-قاتەرلەردٸ ەسكەرۋگە شاقىردى. ساۋدا سوعىسى مەن سانكتسييالىق شەكتەۋلەر جاعدايىندا قازاقستاننىڭ ەكونوميكالىق ەلەۋەتٸن جٷزەگە اسىرۋ ٷشٸن ۇلتتىق بيزنەستٸڭ حالىقارالىق بەسەكەگە قابٸلەتتٸلٸگٸن ارتتىرۋ ماڭىزدى سانالادى.
– يندۋسترييالاندىرۋدىڭ ٷشٸنشٸ باعدارلاماسىن ٸسكە اسىرۋ 2020 جىلدان باستالادى. بٸز جەكە سەكتوردىڭ ەلەۋەتٸن بارىنشا پايدالانا وتىرىپ, ەكسپورتقا نەگٸزدەلگەن ٶڭدەۋ ٶنەركەسٸبٸنٸڭ دامۋ باعىتىن ايقىندادىق. يندۋسترييالاندىرۋدىڭ ٷشٸنشٸ بەسجىلدىعىن جٷزەگە اسىرۋ كەزٸندە ٶتكەن بەسجىلدىقتارداعى كەمشٸلٸكتەردٸ ەسكەرٸپ, ٶڭدەلگەن ٶنٸمدەردٸڭ ەكسپورتىن ۇلعايتۋ, شىعارىلاتىن ٶنٸمدەردٸ تەحنولوگييالىق تۇرعىدان «كٷردەلەندٸرۋ», ساپالى جۇمىس ورىندارىن اشۋ سەكٸلدٸ مٸندەتتەردٸ ورىنداۋ كەرەك, – دەدٸ مەملەكەت باسشىسى.
پرەزيدەنتتٸڭ پٸكٸرٸنشە, يندۋسترييالاندىرۋ مەملەكەتتٸك باعدارلاماسى ەكونوميكاداعى قۇرىلىمدىق ترانسفورماتسييانىڭ نەگٸزگٸ فاكتورى بولۋى تيٸس. نەتيجەسٸندە ەكونوميكانىڭ تەڭگەرٸمدٸ ٶسٸمٸ مەن ازاماتتاردىڭ ەل-اۋقاتى ارتادى.
شارا سوڭىندا قاسىم-جومارت توقاەۆ بيزنەستٸڭ ەلەۋمەتتٸك جاۋاپكەرشٸلٸگٸ جٶنٸندەگٸ «پارىز» رەسپۋبليكالىق كونكۋرسىنىڭ جەڭٸمپازدارىن جەنە «التىن ساپا» سىيلىعىنىڭ لاۋرەاتتارىن ماراپاتتادى.
«پارىز» كونكۋرسىنىڭ گران-پري جٷلدەسٸن «ەۋرازييالىق توپ», «ٷزدٸك ەلەۋمەتتٸك جاۋاپتى كەسٸپورىن» اتالىمى بويىنشا التىن جٷلدە «ابزال جەنە ك» كومپانيياسىنا (قىزىلوردا وبلىسى) بەرٸلدٸ. «بيومەر ارماتۋرا» جشس (قاراعاندى وبلىسى) «ٷزدٸك يندۋسترييالىق جوبا» اتالىمى بويىنشا, «سكز-U» جشس (قىزىلوردا وبلىسى) «ٷزدٸك يننوۆاتسييالىق جوبا» اتالىمى بويىنشا «التىن ساپا» پرەزيدەنت سىيلىعىنىڭ لاۋرەاتتارى اتاندى.
