Foto: Akorda.kz
Memleket basshysy qazaq-frantsýz biznes forýmy aiasynda Frantsiianyń biznes qurylymdarynyń basshylarymen kezdesti, dep habarlaidy "Ult aqparat" Aqordanyń baspasóz qyzmetine silteme jasap.
Lactalis Group kompaniiasynyń bas direktory Emmaniýel Benemen áńgimelesý barysynda Memleket basshysy atalǵan kásiporyn Qazaqstan naryǵyna 20 jyl buryn kelgen alǵashqy frantsýz kompaniialarynyń biri ekenin atap ótti. Búginde bul kásiporynnyń birneshe zaýyty men sút fermalary elimizde tabysty jumys istep jatyr.
Qasym-Jomart Toqaevtyń aitýynsha, azyq-túlik qaýipsizdiginiń jahandyq syn-qaterlerine bailanysty agroónerkásip jáne azyq-túlik ónimderin óndirý salalaryndaǵy yntymaqtastyqtyń mán-mańyzy artyp keledi. Osyǵan orai Qazaqstan aýyl sharýashylyǵy ónimderin tereń óńdeý isine investitsiia tartýdy yntalandyrady.
Emmaniýel Bene qabyldaǵany úshin Memleket basshysyna alǵys aityp, Lactalis Group kompaniiasynyń yntymaqtastyqty nyǵaitý jáne Qazaqstanda jańa óndiris oryndaryn ashý josparymen bólisti.
Sodan keiin Memleket basshysy Boehringer Ingelheim France kompaniiasynyń prezidenti Kristian Vaizendi qabyldady. Kezdesý barysynda Qasym-Jomart Toqaev otandyq QazBioPharm holdingi men Frantsiianyń Boehringer Ingelheim kompaniiasy arasynda tehnologiialardy berý týraly qol jetkizilgen kelisimniń mańyzdylyǵyn atap ótti. Bul Qazaqstanda aýsylǵa qarsy vaktsina óndirisin jolǵa qoiýǵa múmkindik beredi. Memleket basshysynyń aitýynsha, veterinariia salasyn damytý azyq-túlik qaýipsizdigin qamtamasyz etýde erekshe ról atqarady.
Qazaqstan Prezidenti elimizde biotehnologiia klasterin qurý jumystary belsendi júrgizilip jatqanyn jáne osy saladaǵy otandyq ǵylymi saraptama jasaý isin damytý úshin QazBioPharm ulttyq biofarmatsevtikalyq holdingi qurylǵanyn aitty.
Sonymen qatar Prezident Semmaris kompaniiasynyń bas direktory Stefan Laianimen kezdesti. Stefan Laiani Qasym-Jomart Toqaevqa Almaty oblysynda aýyl sharýashylyǵy ónimderin óńdeitin iri hab qurý jónindegi birlesken jobanyń iske asyrylýyna qatysty málimet berdi. Nysan 2025 jyly paidalanýǵa beriledi dep josparlanyp otyr. Qazirgi ýaqytta Qazaqstan investitsiiasynyń jalpy kólemi 150 million dollardy quraidy. Kompaniia óz tarapynan jobany júzege asyrýdyń bastapqy kezeńinde tehnologiialar men Frantsiianyń ozyq tájiribesin transfert jasaidy.
