فوتو: Akorda.kz
مەملەكەت باسشىسى قازاق-فرانتسۋز بيزنەس فورۋمى اياسىندا فرانتسييانىڭ بيزنەس قۇرىلىمدارىنىڭ باسشىلارىمەن كەزدەستٸ, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
Lactalis Group كومپانيياسىنىڭ باس ديرەكتورى ەممانيۋەل بەنەمەن ەڭگٸمەلەسۋ بارىسىندا مەملەكەت باسشىسى اتالعان كەسٸپورىن قازاقستان نارىعىنا 20 جىل بۇرىن كەلگەن العاشقى فرانتسۋز كومپانييالارىنىڭ بٸرٸ ەكەنٸن اتاپ ٶتتٸ. بٷگٸندە بۇل كەسٸپورىننىڭ بٸرنەشە زاۋىتى مەن سٷت فەرمالارى ەلٸمٸزدە تابىستى جۇمىس ٸستەپ جاتىر.
قاسىم-جومارت توقاەۆتىڭ ايتۋىنشا, ازىق-تٷلٸك قاۋٸپسٸزدٸگٸنٸڭ جاھاندىق سىن-قاتەرلەرٸنە بايلانىستى اگروٶنەركەسٸپ جەنە ازىق-تٷلٸك ٶنٸمدەرٸن ٶندٸرۋ سالالارىنداعى ىنتىماقتاستىقتىڭ مەن-ماڭىزى ارتىپ كەلەدٸ. وسىعان وراي قازاقستان اۋىل شارۋاشىلىعى ٶنٸمدەرٸن تەرەڭ ٶڭدەۋ ٸسٸنە ينۆەستيتسييا تارتۋدى ىنتالاندىرادى.
ەممانيۋەل بەنە قابىلداعانى ٷشٸن مەملەكەت باسشىسىنا العىس ايتىپ, Lactalis Group كومپانيياسىنىڭ ىنتىماقتاستىقتى نىعايتۋ جەنە قازاقستاندا جاڭا ٶندٸرٸس ورىندارىن اشۋ جوسپارىمەن بٶلٸستٸ.
سودان كەيٸن مەملەكەت باسشىسى Boehringer Ingelheim France كومپانيياسىنىڭ پرەزيدەنتٸ كريستيان ۆايزەندٸ قابىلدادى. كەزدەسۋ بارىسىندا قاسىم-جومارت توقاەۆ وتاندىق QazBioPharm حولدينگٸ مەن فرانتسييانىڭ Boehringer Ingelheim كومپانيياسى اراسىندا تەحنولوگييالاردى بەرۋ تۋرالى قول جەتكٸزٸلگەن كەلٸسٸمنٸڭ ماڭىزدىلىعىن اتاپ ٶتتٸ. بۇل قازاقستاندا اۋسىلعا قارسى ۆاكتسينا ٶندٸرٸسٸن جولعا قويۋعا مٷمكٸندٸك بەرەدٸ. مەملەكەت باسشىسىنىڭ ايتۋىنشا, ۆەتەرينارييا سالاسىن دامىتۋ ازىق-تٷلٸك قاۋٸپسٸزدٸگٸن قامتاماسىز ەتۋدە ەرەكشە رٶل اتقارادى.
قازاقستان پرەزيدەنتٸ ەلٸمٸزدە بيوتەحنولوگييا كلاستەرٸن قۇرۋ جۇمىستارى بەلسەندٸ جٷرگٸزٸلٸپ جاتقانىن جەنە وسى سالاداعى وتاندىق عىلىمي ساراپتاما جاساۋ ٸسٸن دامىتۋ ٷشٸن QazBioPharm ۇلتتىق بيوفارماتسەۆتيكالىق حولدينگٸ قۇرىلعانىن ايتتى.
سونىمەن قاتار پرەزيدەنت Semmaris كومپانيياسىنىڭ باس ديرەكتورى ستەفان لايانيمەن كەزدەستٸ. ستەفان لاياني قاسىم-جومارت توقاەۆقا الماتى وبلىسىندا اۋىل شارۋاشىلىعى ٶنٸمدەرٸن ٶڭدەيتٸن ٸرٸ حاب قۇرۋ جٶنٸندەگٸ بٸرلەسكەن جوبانىڭ ٸسكە اسىرىلۋىنا قاتىستى مەلٸمەت بەردٸ. نىسان 2025 جىلى پايدالانۋعا بەرٸلەدٸ دەپ جوسپارلانىپ وتىر. قازٸرگٸ ۋاقىتتا قازاقستان ينۆەستيتسيياسىنىڭ جالپى كٶلەمٸ 150 ميلليون دوللاردى قۇرايدى. كومپانييا ٶز تاراپىنان جوبانى جٷزەگە اسىرۋدىڭ باستاپقى كەزەڭٸندە تەحنولوگييالار مەن فرانتسييانىڭ وزىق تەجٸريبەسٸن ترانسفەرت جاسايدى.
