"Qazaqstan Respýblikasynyń Prezidenti Nursultan Nazarbaev 1 mamyr – Qazaqstan halqynyń birligi kúnimen quttyqtady", - dep habarlaidy "Ult aqparat" Aqordaǵa silteme jasap.
"Sizderdi 1 mamyr – Qazaqstan halqynyń birligi merekesimen shyn júrekten quttyqtaimyn! Bul kúni biz baǵa jetpes bailyǵymyzdy – týǵan el igiligi jolyndaǵy yrysty yntymaǵymyzdy dáripteimiz. Bizdiń barlyq jetistikterimiz ben jeńisterimizdiń myzǵymas tuǵyry – tatýlyq pen tutastyq. Túrli ult ókilderi bir shańyraqtyń, bir týdyń astynan tabylyp, búgingidei eńseli el, irgeli memleket atandyq.
Túsinistik pen turaqtylyq – árbir azamat atsalysyp, árkimniń úles qosýyn talap etetin qasterli qundylyq. Osynaý aqiqatty qaltqysyz uǵyný Otanymyz – Qazaqstan Respýblikasynda udaiy beibitshilik pen berekeniń saltanat qurýyna septigin tigizedi.
Qoǵamymyzda qazirgi kezde qolǵa alynyp jatqan júieli jańǵyrý úrdisteri birligimizdiń nyǵaia túsýine yqpal etip, jańa belesterdi baǵyndyrýymyzǵa jol ashady dep senemin. Barshańyzǵa zor densaýlyq, eńbekterińizge tabys, ár shańyraqqa shattyq pen baq-bereke tileimin!", - delingen quttyqtaýda.
.jpeg)