"قازاقستان رەسپۋبليكاسىنىڭ پرەزيدەنتٸ نۇرسۇلتان نازارباەۆ 1 مامىر – قازاقستان حالقىنىڭ بٸرلٸگٸ كٷنٸمەن قۇتتىقتادى", - دەپ حابارلايدى "ۇلت اقپارات" اقورداعا سٸلتەمە جاساپ.
"سٸزدەردٸ 1 مامىر – قازاقستان حالقىنىڭ بٸرلٸگٸ مەرەكەسٸمەن شىن جٷرەكتەن قۇتتىقتايمىن! بۇل كٷنٸ بٸز باعا جەتپەس بايلىعىمىزدى – تۋعان ەل يگٸلٸگٸ جولىنداعى ىرىستى ىنتىماعىمىزدى دەرٸپتەيمٸز. بٸزدٸڭ بارلىق جەتٸستٸكتەرٸمٸز بەن جەڭٸستەرٸمٸزدٸڭ مىزعىماس تۇعىرى – تاتۋلىق پەن تۇتاستىق. تٷرلٸ ۇلت ٶكٸلدەرٸ بٸر شاڭىراقتىڭ, بٸر تۋدىڭ استىنان تابىلىپ, بٷگٸنگٸدەي ەڭسەلٸ ەل, ٸرگەلٸ مەملەكەت اتاندىق.
تٷسٸنٸستٸك پەن تۇراقتىلىق – ەربٸر ازامات اتسالىسىپ, ەركٸمنٸڭ ٷلەس قوسۋىن تالاپ ەتەتٸن قاستەرلٸ قۇندىلىق. وسىناۋ اقيقاتتى قالتقىسىز ۇعىنۋ وتانىمىز – قازاقستان رەسپۋبليكاسىندا ۇدايى بەيبٸتشٸلٸك پەن بەرەكەنٸڭ سالتانات قۇرۋىنا سەپتٸگٸن تيگٸزەدٸ.
قوعامىمىزدا قازٸرگٸ كەزدە قولعا الىنىپ جاتقان جٷيەلٸ جاڭعىرۋ ٷردٸستەرٸ بٸرلٸگٸمٸزدٸڭ نىعايا تٷسۋٸنە ىقپال ەتٸپ, جاڭا بەلەستەردٸ باعىندىرۋىمىزعا جول اشادى دەپ سەنەمٸن. بارشاڭىزعا زور دەنساۋلىق, ەڭبەكتەرٸڭٸزگە تابىس, ەر شاڭىراققا شاتتىق پەن باق-بەرەكە تٸلەيمٸن!", - دەلٸنگەن قۇتتىقتاۋدا.
.jpeg)