Memleket basshysy Qasym-Jomart Toqaev Prezident janynan Ekonomikalyq qylmystarmen kúres agenttigin qurýdy tapsyrdy, dep habarlaidy "Ult aqparat".
"Ótken jyly «kóleńkeli» ekonomika salasynda uiymdasqan qylmystyq toptarǵa qatysty isterdiń rekordty sany qozǵaldy. 73 qylmystyq toptyń áreketine tosqaýyl qoiylyp, qarjyny qolma qol aqshaǵa ainaldyrý kólemi azaidy. Bul qadamdar - osy jumystyń tek basy ǵana.
Jalǵan kásiporyndar men qasaqana salyq tólemeitindermen jumysty júieli túrde kúsheitý qajet. Ońtaily qarqyndy saqtaý úshin atalǵan bólimsheniń mártebesin kóterip, barynsha qysqa merzimde QR Prezidenti janyndaǵy Ekonomikalyq qylmystarmen kúres agenttigin qurý kerek. Bul óz kezeginde sheshimderdiń derbestigin arttyryp, múddeler qaqtyǵysyn joiady", - dedi Toqaev úkimettiń keńeitilgen otyrysynda.
Abishev Analytics Telegram-kanaly "Prezident janynan" degen sóz Agenttik parlamentke de, Qaýipsizdik keńesine de baǵynbaitynyn bildirýi múmkin dep jazdy.
Budan bólek, Prezident Úkimetke 1 qyrkúiekke deiin memleket shekarasynda zańsyz taýar ainalymyna qarsy is-qimyldyń keshendi baǵdarlamasyn ázirleýdi tapsyrdy.
